Salamo 56:1-13
Ki te takitaki o te kau fai pese; ne fai ki “Te Lupe Telā e ‵Mao.” Ko te salamo a Tavita. Mikitamu.* I te taimi ne puke fakapagota ei a ia ne tino Filisitia i Kata.+
56 Ke na talia mai au, e te Atua, me i te tagata ko taua mai ki a au.
I aso katoa e taua mai faeloa latou kae fakasaua au.
2 A oku fili e taua mai faeloa ki a au i aso katoa;E tokouke e taua mai mo te fakamata‵mata ki a au.
3 Kafai au e mataku,+ e talitonu au ki a koe.+
4 Ko te Atua—telā e tavae ne au tena muna—Ko te Atua e talitonu au ki ei; au e se mataku.
Ne a mea e mafai o fai ne se tagata ki a au?+
5 I aso katoa e fakalogo‵mae ne latou au;E mafau‵fau faeloa latou o fakalogo‵mae au.+
6 E ‵muni latou o taua mai;E onoono latou ki koga katoa e ‵laka oku vae ki ei,+
Kae fakamoe‵moe o tamate au.+
7 ‵Teke atu latou ona ko olotou amioga ma‵sei.
Tuku ifo a atufenua ki lalo ona ko tou kaitaua, e te Atua.+
8 E fakamau ne koe ki lalo a koga ne fanofano au i ei.+
E tausi ne koe oku loimata i loto i tau fagu ne faite ki pa‵kili o manu.+
E a, e se tusi a mea konā i loto i tau tusi?+
9 A oku fili ka ‵foki ki tua i te aso e kalaga atu ei au mō se fesoasoani.+
Tenei te mea e loto talitonu au ki ei: A te Atua e kau i toku feitu.+
10 Ko te Atua—telā e tavae ne au tena muna—Ko Ieova—telā e tavae ne au tena muna—
11 Ko te Atua e talitonu au ki ei; au e se mataku.+
Ne a mea e mafai o fai ne se tino ki a au?+
12 Au ko ligina ne aku tautoga ki a koe, e te Atua;+Ka avatu ne au ki a koe a taulaga o te loto fakafetai.+
13 Me ne fakasao ne koe au mai te mate+Kae taofi oku vae ke mo a ma siga,+Ko te mea ke sasale au i mua o te Atua i te mainaga o te ola.+
