Salamo 17:1-15
Se ‵talo a Tavita.
17 Fakalogo mai ki taku fakatagi ke maua te fakamasinoga tonu, e Ieova;Saga tonu mai ki taku tagi mō se fesoasoani;Fakalogo mai ki taku ‵talo ne fai e aunoa mo te fakaloiloi.+
2 Ke fai ne koe se fakaikuga tonu ki a au;+Ke lavea eiloa ne ou mata a te mea tonu.
3 Ko oti ne iloilo ne koe toku loto, ko oti ne sukesuke ne koe au i te po;+Ko oti ne faka‵ma ne koe au;+Ka iloa ne koe me ne seki fai ne au se togafiti masei,Kae ne seki fai ne toku gutu se amioga masei.
4 E pelā mo mea e fai ne tāgata,E ‵tusa mo pati mai ou laugutu, e ‵kalo kea‵tea au mai auala o te tino kaisoa.+
5 Fai ke tumau oku kalafaga i luga i ou aualaKo te mea ke se ‵lave oku vae.+
6 E kalaga atu au ki a koe, me ka tali mai eiloa koe,+ e te Atua.
Tuku mai ou taliga* ki a au. Fakalogo mai ki aku pati.+
7 Fakaasi mai tou alofa fakamaoni i se auala fakaofoofogia,+E te Fakaola o latou kolā e ‵sala ke ‵lafi i tou lima fakaatamaiMai i a latou kolā e ‵teke atu ki a koe.
8 Puipui mai au e pelā mo te mea uli o tou ‵kano mata;+Faka‵muni aka au i te malūga o ou kapakau.+
9 Puipui mai au mai tino amio ma‵sei kolā e taua mai ki a au,Mai oku fili* kolā e nikoi ne latou au.+
10 Ko seai se alofa i a latou;E fai‵pati olotou gutu mo te fakamata‵mata;
11 Nei la, ko fakatamilo ne latou matou;+E onoono latou ki se avanoaga ke fai matou ke taka‵vale.*
12 E ‵pau a ia mo se leona telā e manako malosi o saesae likiliki tena manu ne maua,E pelā me se leona foliki telā e nofo fakatalitali o taua atu.
13 Tu mai ki luga, e Ieova, o fakafesagai atu ki a ia+ kae tuku ifo a ia ki lalo;Fakasao mai au mai te tino amio masei ki tau pelu;
14 Fakasao mai au ki tou lima, e Ieova,Mai tāgata o te lalolagi* tenei, kolā e maua te lotou vaega i te olaga tenei,+Ko latou kolā ne faka‵fonu ne koe ki mea ‵lei ne fakatoka ne koe+Kae tuku atu ne latou se tofi ki olotou tama tāgata e tokouke.
15 Kae pelā mo au, ka lavea ne au ou mata i te amiotonu;E lotomalie au ke ‵pula aka i ou mua.+
Fakamatalaga mai lalo
^ Io me “Punou ifo kae fakalogo mai.”
^ Io me “oku fili kolā e ‵teke mai ki a au.”
^ Io me “‵pei matou ki lalo i te laukele.”
^ Io me “te fakanofonofoga o mea.”
