Salamo 132:1-18
Se Pese o te Oloakaga.
132 Ieova, ke masaua a TavitaMo ana logo‵maega katoa;+
2 Te auala ne tauto ei a ia ki a Ieova,Te auala ne tauto ei a ia ki te Atua Malosi o Iakopo:+
3 “Au ka se fano ki loto i toku faleie, ko toku fale.+
Au ka se takato i luga i te moega, ko toku moega;
4 Ka se talia ne au oku mata ke ‵moe,Io me ke faka‵vale malie aka oku laumata
5 Ke oko ki te taimi e maua ei ne au se koga mō Ieova,Se koga nofo ‵lei mō te Atua Malosi o Iakopo.”+
6 Kiloke! Ne ‵logo tatou e uiga ki te mea tenā i Efalata;+Ne maua ne tatou a mea konā i te vao.+
7 Ke o‵mai tatou ki loto i tena koga nofo;+Ke punou ifo tatou ki lalo i tena mea tuku vae.+
8 Tu mai ki luga, e Ieova, o vau ki loto i tou koga nofo,+Ko koe mo te Pusa o tou malosi.+
9 Ke ‵pei ou faitaulaga ki te amiotonu,
Kae ko ou tino fakamaoni ke ka‵laga fiafia.
10 Ona ko Tavita tau tavini,
Sa ‵teke ne koe a tau tino fakaekegina.+
11 A Ieova ne tauto ki a Tavita;
Ka se mafai eiloa o fakaseaoga ne ia ana pati;
“E tokotasi tau tama
Ka tuku ne au ki luga i tou nofogaaliki.+
12 Kafai e tausi ne au tama a taku feagaigaMo aku fakamasauaga kolā e akoako atu ne au ki a latou,+A olotou tama fokiKa saga‵saga i luga i tou nofogaaliki ke oko ki te se-gata-mai.”+
13 Me ko oti ne filifili ne Ieova a Siona;+Ne manako malosi a ia ke fai a te koga tenā mo ana koga nofo:+
14 “Tenei toku koga nofo tumau ki te se-gata-mai;Ka nofo au i konei,+ me tenei te mea ne manako malosi au ki ei.
15 Ka fakamanuia malosi ne au a latou i te avatuga o meakai;Kae ka fagai ne au ana tino ma‵tiva ki meakai.+
16 Ka fakapei ne au ana faitaulaga ki te fakaolataga,+Kae ka ka‵laga fia‵fia ana tino fakamaoni.+
17 Ka fai ne au ke gasolo aka te malosi o Tavita.
Ko oti ne fakatoka ne au se moli mō taku tino fakaekegina.+
18 Ka fakapei ne au ana fili ki te masiasi,Kae ko te kalauna i tena ulu ka manuia eiloa.”+
