Sakalia 2:1-13
2 Kae ne kilo atu au kae lavea ne au se tagata mo te uka e fua ei a mea+ i tena lima.
2 Tenā ne fesili atu ei au: “A koe e fano ki fea?”
Ne tali mai a ia: “O fua aka a Ielusalema, ke iloa me e fia tena lauefa kae fia foki tena loa.”+
3 Kae kiloke! a te agelu telā ne fai‵pati mo au ne fanatu ki tua, kae ne vau te suā agelu o fakafetaui ki a ia.
4 Tenā ne fai atu ei a ia ki tou tagata: “Tele ki te koga telā kae fai atu ki te tamataene tenā, ‘“A Ielusalema ka fai pelā me se fakai e seai ne ‵pui kae ka ‵nofo i ei a tino,+ ona ko tāgata mo lafu manu katoa i loto i ei.+
5 Kae ki a ia, ka fai au,” ko te folafolaga a Ieova, “e pelā me se ‵pui afi e fakatamilo i ei,+ kae ka nofo au i loto i a ia mo te ‵malu.”’”+
6 “O‵mai! O‵mai! ‵Tele kea‵tea mai te laukele ki mātū,”+ ko te folafolaga a Ieova.
“Me ko oti ne fakasalalau ne au koutou ki matagi e fa o te lagi,”+ ko te folafolaga a Ieova.
7 “Siona, vau! Fakasao koe, ko koe telā e ‵nofo fakatasi mo te tama fafine a Papelonia.+
8 Me konei a pati a Ieova o kautau ne fai mai, telā i te otiga ne faka‵malu a ia, ne uga atu ne ia au ki atufenua kolā ne ‵fao ne latou otou mea:+ ‘So se tino telā e fakapatele atu ki a koutou ko fakapatele eiloa ki toku ‵kano mata.+
9 Me nei la, ka tatalo atu toku lima o ‵teke latou, kae ka ‵fao ne latou a mea a olotou pologa.’+ Kae ka iloa eiloa ne koutou me i a Ieova o kautau ne uga mai ne ia au.
10 “Kalaga mo te fiafia, e te tama fafine o Siona;+ me i a au ka vau,+ kae ka nofo au i loto i a koutou,”+ ko te folafolaga a Ieova.
11 “E uke a atufenua ka ‵kau atu ki a Ieova i te aso tenā,+ kae ka fai latou mo oku tino; kae ka nofo au i loto i a koe.” Kae ka iloa ei ne koe i a Ieova o kautau ne uga mai ne ia au ki a koe.
12 A Ieova ka puke ne ia a Iuta mo fai tena vaega i te laukele tapu, kae ka toe filifili foki ne ia a Ielusalema.+
13 ‵Nofo filemu, e tino katoa, i mua o Ieova, me ko gasuesue a ia mai i tena koga tapu telā e nofo i ei.
