Ki te kau Loma 10:1-21
10 Oku taina, a te mea telā e manako au ki ei mo toku loto kātoa kae e ‵talo malosi au ki te Atua e uiga ki ei ko te mea ke maua ne tino Isalaelu te lotou fakaolataga.+
2 E molimau atu au me e lasi te lotou toaga ki te Atua,+ kae e se fakavae te toaga tenā ki te iloaga tonu.
3 Ona ko te sē iloa ne latou a te amiotonu o te Atua+ kae kausaki ke fakatumau te lotou amiotonu,+ ne seki faka‵logo latou ki te amiotonu o te Atua.+
4 Me i a Keliso ko te fakagataga o te Tulafono,+ ko te mea ke maua ne tino katoa kolā e fakaasi atu ne latou te fakatuanaki a te amiotonu.+
5 Me ne tusi mai a Mose e uiga ki te amiotonu o te mea tenā e auala i te Tulafono: “A te tino e fai ne ia a mea konei ka ola e ‵tusa mo mea konā.”+
6 Kae ko te amiotonu telā ne iku mai i te fakatuanaki ne fai mai: “Ke mo a ma fai ifo penei i tou loto,+ ‘Ko oi ka fanaka ki te lagi?’+ ko tena uiga, ke aumai a Keliso ki lalo,
7 io me, ‘Ko oi ka fanaifo ki te lua ‵poko?’+ ko tena uiga, ke aumai a Keliso mai te mate.”
8 Kae ne a ana pati? “A muna o te tulafono konā e pili atu ki a koe, i loto i tou gutu mo tou loto”;+ ko tena uiga, “te muna” o te fakatuanaki, telā e talai atu ne tatou.
9 Me kafai e folafola atu tou gutu ki tino katoa i a Iesu ko te Aliki,+ kae fakaasi atu faeloa te fakatuanaki i tou loto me ne toe fakatu aka ne te Atua a ia mai te mate, ka sao eiloa koe.
10 Me i te loto e fai ei ke fakaasi atu faeloa ne te tino a te fakatuanaki ke maua i ei te amiotonu, kae ko te gutu e folafola atu ei te tino i mua o tino katoa+ ke maua i ei te fakaolataga.
11 Me e fai mai penei i tusitusiga tapu: “E seai se tino e fakatuanaki ki a ia ka fanoanoa.”+
12 Me e seai se ‵kese o te tino Iutaia mo te tino Eleni.+ E tokotasi fua te Aliki mō tino katoa, telā e fakamanuia ne ia a latou katoa kolā e ka‵laga atu ki a ia.
13 Me “ko tino katoa kolā e ka‵laga ki te igoa o Ieova* ka ‵sao.”+
14 E tiga te feitu tenā, ka ka‵laga atu pefea latou ki a ia māfai e seki fakatuanaki latou ki a ia? Kae ka fakatuanaki pefea latou ki a ia māfai e seki lagona ne latou a mea e uiga ki a ia? Kae ka lagona pefea ne latou e aunoa mo se tino ke talai atu ki a latou?
15 Ka talai atu pefea latou seiloga ke uga atu latou?+ E pelā eiloa mo pati i te tusi: “Ko oko eiloa i te ‵gali a vae o latou kolā e folafola atu ne latou te tala ‵lei e uiga ki mea ‵lei!”+
16 E tiga te feitu tenā, ne seki faka‵logo katoa latou ki te tala ‵lei. Me e fai mai a Isaia: “Ieova, ko oi ne fakatuanaki ki te mea ne lagona ne latou mai i a matou?”+
17 Tela la, e maua te fakatuanaki mai i mea kolā e lagona.+ Kae e maua a mea kolā e lagona e auala i te muna e uiga ki te Keliso.
18 Kae e fesili atu au, ‘E a, ne lagona eiloa ne latou? Se mea tonu me “ne oko atu olotou leo ki te lalolagi kātoa, kae ne oko atu foki te lotou fekau ki koga katoa o te lalolagi nofoaki.”+
19 Kae e fesili atu au, e a, ne iloa eiloa ne Isalaelu?’+ Muamua la, e fai mai a Mose: “Ka fai ne au a koutou ke loto ma‵sei e auala i te mea telā e sē se atufenua; ka fai ne au koutou ke kaitāua malosi e auala i se atufenua va‵lea.”+
20 Kae ne lasi te loto toa o Isaia o fai mai: “Ne maua au ne latou kolā ne seki ‵sala ki a au;+ ne lauiloa au i a latou kolā ne seki fakatagi ke iloa ne latou au.”+
21 Kae ne fai mai a ia e uiga ki tino Isalaelu: “I te aso kātoa ne ‵fola atu oku lima ki tino sē faka‵logo kae loto ma‵keke.”+
