Isaia 2:1-22
2 Tenei te mea ne lavea ne Isaia te tama tagata a Amota e uiga ki a Iuta mo Ielusalema:+
2 I te fakaotiotiga o aso fakaoti,*A te mauga o te fale o IeovaKa faka‵mautakitaki i luga i taulu o mauga,+Kae ka fakamaluga aka ke maluga atu i tamā mauga,Kae ka ualolo atu ki ei a atufenua katoa.+
3 Kae e tokouke a tino ka olo ki ei kae fai atu:
“O‵mai, ‵tou olo ki luga i te mauga o Ieova,Ki te fale o te Atua o Iakopo.+
Ka akoako mai ne ia tatou ki ana auala,Kae ka sa‵sale tatou i ana ala.”+
Me i te tulafono* ka fanatu mai i Siona,Kae ko te muna a Ieova mai i Ielusalema.+
4 Ka fai ne ia te fakamasinoga i atufenua katoaKae faka‵tonu aka a mea e uiga ki tino e tokouke.
Ka tuki ne latou olotou pelu ke fai mo mea fakamalū laukeleMo olotou tao ke fai mo naifi ‵vele vao.+
A te atufenua e tasi ka se toe sisi aka tena pelu o taua atu ki te suā atufenua,Kae ka se toe tauloto latou ki te faiga o taua.+
5 Te kāiga o Iakopo, ‵mai,Ke sa‵sale tatou i te mainaga o Ieova.+
6 Me ko oti ne tiaki ne koe ou tino, e te kāiga o Iakopo,+Me ko ‵fonu eiloa latou i mea mai te feitu ki Saegala;E fai ne latou a faifaiga faivailakau+ e pelā mo tino Filisitia,Kae ko ‵fonu latou i tama‵liki a tino fakaa‵tea.
7 E ‵fonu eiloa te lotou laukele i siliva mo aulo,Kae e seai se tapula ki olotou koloa.
E ‵fonu eiloa te lotou laukele i solofanua,Kae e seai se tapula ki olotou kaliota.+
8 E ‵fonu eiloa te lotou laukele i atua sē aoga.+
E ifo latou ki lalo i galuega a olotou lima,Ki mea ne faite ne olotou matikao lima.
9 Tela la, e ifo a te tagata ki lalo, ko malalo ei a ia,Kae ko se mafai ne koe o fakamagalo a latou.
10 Ulu ki loto i te kaupapa kae ‵muni i te ‵pefuOna ko te fakamataku o te fakatasi mai o IeovaMo tena gali fakaofoofogia.+
11 A mata fakamaualuga o te tagata ka fakamalalo,Kae ka tuku ifo ki lalo te uiga fia sili o tino.
Ko Ieova tokotasi fua ka fakamaluga aka i te aso tenā.
12 Me i te mea tenā ko te aso o Ieova o kautau.+
E oko mai ki luga i tino katoa kolā e fakamaua‵luga kae fia ma‵luga,Ki luga i tino katoa, faitalia me ma‵luga io me ma‵lalo,+
13 Ki luga i alasi katoa o Lepanona kolā e fia ma‵luga kae ne fakamaluga akaMo lakau ko oka katoa o Pasana,
14 Ki luga i mauga ma‵luga katoaMo tamā mauga ma‵luga katoa,
15 Ki luga i taoa ma‵luga katoa mo ‵pui ma‵losi katoa,
16 Ki luga i vakamutu katoa o Talasisi+Mo vaka ‵gali katoa.
17 A te fakamaualuga o te tagata ka tuku ifo ke malalo,Kae ka tuku ifo ki lalo a te uiga fia sili o tino.
Ko Ieova tokotasi fua ka fakamaluga aka i te aso tenā.
18 Ka ‵galo katoatoa atu a atua sē aoga.+
19 Kae ko tino ka ulu ki loto i ana o kaupapaMo pūga i te laukele,+Ona ko te fakamataku o te fakatasi mai o IeovaMo tena gali fakaofoofogia,+I te taimi e tu aka ei a ia o fai te lalolagi ke pole‵pole i te ma‵taku.
20 I te aso tenā ka puke ne tino olotou atua siliva mo aulo sē aogaKolā ne faite ne latou mō latou eiloa ke ifo ki lalo i eiKae ‵pei kea‵tea a mea konā ki tamā kimoa mo manu ko pate,+
21 Ko te mea ke ulu atu ki loto i pūga i kaupapaMo vasia o kaupapa,Ona ko te fakamataku o te fakatasi mai o IeovaMo tena gali fakaofoofogia,I te taimi e tu aka ei a ia o fai te lalolagi ke pole‵pole i te ma‵taku.
22 Mō te otou ‵lei eiloa, ke se toe tali‵tonu ki te tagata,Telā e fai fua pelā me se mānavaga i ana puisu.
Kaia e ‵tau ei o masaua a ia?
