Hosea 11:1-12
11 “I te taimi koi foliki ei a Isalaelu, au ne alofa ki ei,+Kae ne kalagagina ne au taku tamaliki tagata ke vau ki tua mo Aikupito.+
2 Ko te uke o taimi e ka‵laga atu ei latou* ki a latou,Ko te uke foki o taimi e olo kea‵tea ei latou mai i a latou.+
E ofo atu faeloa ne latou a taulaga ki fakatusa o Paala+Kae ofo atu a taulaga ki tupua faite.+
3 Kae ko au ne akoako ne au a Efalaima ke sasale,+ kae puke ne au latou i oku lima;+Kae e se iloa ne latou me ko au ne faka‵lei ne au latou.
4 Ne ‵futi mai faeloa ne au latou ki lōpu a tāgata,* ki uka o te alofa;+Kae ne fai au ki a latou e pelā me se tino ne sau ne ia se amoga mai i olotou kauvae,Kae ne aumai ne au mo te atafai a meakai ki a latou taki tokotasi.
5 Ka se ‵foki atu latou ki te fenua o Aikupito, kae ko Asulia ka fai mo olotou tupu,+Me ne ita latou ma ‵foki mai ki a au.+
6 Ka oko atu se pelu ki ana fakai+Kae fakamasei ana lakau faka‵lava kae fakaseai latou ona ko olotou togafiti.+
7 Oku tino ko ‵piko ki lalo i te sē fakamaoni ki a au.+
E tiga eiloa ne ka‵laga mai latou ke olo aka latou ki luga, e seai eiloa se tino ne tu aka.
8 E mafai pefea ne au o tiaki koe, e Efalaima?+
E mafai pefea ne au o tuku atu koe ki se tino, e Isalaelu?
E mafai pefea ne au o fai koe e pelā mo Atamaa?
E mafai pefea ne au o fai koe e pelā mo Sepoima?+
Ko oti ne ‵fuli toku loto;I te taimi foki eiloa tenā, ko fakamalosi aka i ei toku alofa atafai.+
9 Ka se fakaasi atu ne au te lasi o toku kaitaua.
Ka se toe fakaseai ne au a Efalaima,+Me i a au ko te Atua kae e sē se tagata,Ko te Atua Tapu i te va o koutou;Kae ka se vau au o ‵teke koutou i te kaitaua.
10 Ka sa‵sale latou i tua o Ieova, kae ka ‵gulu a ia e pelā me se leona;+Kafai e ‵gulu a ia, ka o‵mai ana tama mai te feitu ki togala mo te pole‵pole.+
11 Ka pole‵pole latou e pelā me se manu eva māfai ko o‵mai latou ki tua mo Aikupito,E pelā me se lupe ko vau ki tua mo Asulia;+Kae ka fai ne au latou ke ‵nofo i olotou fale,” ko te folafolaga a Ieova.+
12 “A Efalaima ne nikoi ne ia au ki loi,Kae ko te kāiga o Isalaelu ki te ‵pelo.+
Kae ko Iuta koi olo tasi eiloa mo te Atua,Kae e fakamaoni a ia ki te Atua Tafasili i te Tapu.”+
Fakamatalaga mai lalo
^ Telā ko pelofeta mo nisi tino kolā ne uga atu ke akoako a Isalaelu.
^ Io me “lōpu o te alofa kaimalie,” e pelā mo mea e fakaaoga sāle ne mātua.
