Te Lua Nofoaiga Tupu 6:1-42
6 I konā loa ne fai mai a Solomona: “Muna a Ieova i a ia ka nofo i te pouliga matolu.+
2 Ko oti nei ne faite ne au se fale gali mō koe, se koga tumau mo ou nofo ki te se-gata-mai.”+
3 Tenā ne mafuli mai ei a te tupu kae kamata o fakamanuia ne ia a te fakapotopotoga kātoa o Isalaelu kae ko te fakapotopotoga kātoa o Isalaelu e ‵tu eiloa i luga.+
4 Ana muna: “Ke vikia a Ieova te Atua o Isalaelu, te tino telā ne fai tena tautoga ki toku tamana ko Tavita, kae e auala i ana lima ne fakataunu eiloa ne ia, ana muna,
5 ‘Mai te aso ne aumai ei ne au oku tino ki tua mo Aikupito, ne seki filifili ne au se fakai mai matakāiga katoa o Isalaelu ke faite i ei se fale mō toku igoa ke tumau i ei,+ kae ne seki filifili ne au se tagata ke fai mo takitaki ke pule atu ki oku tino Isalaelu.
6 Kae ko oti ne filifili ne au a Ielusalema+ ke tumau i ei toku igoa, kae ne filifili ne au a Tavita ke pule atu ki oku tino Isalaelu.’+
7 Kae ko te manakoga eiloa o te loto o toku tamana ko Tavita ke faite se fale mō te igoa o Ieova te Atua o Isalaelu.+
8 Kae ko Ieova ne fai ki toku tamana ko Tavita, ‘Ko te manakoga eiloa o tou loto ke faite se fale mō toku igoa, kae se mea ‵lei ke isi se manakoga penei i tou loto.
9 Kae ka se faite ne koe te fale, kae ko tau tama tonu eiloa telā ka fanau mai ne koe* ka faite ne ia te fale mō toku igoa.’+
10 Ne fakataunu eiloa ne Ieova te folafolaga telā ne fai ne ia, me ne sui ne au toku tamana ko Tavita kae ko sagasaga au i luga i te nofogaaliki o Isalaelu,+ e pelā eiloa mo te tautoga a Ieova.+ Ko oti foki ne faite ne au te fale mō te igoa o Ieova te Atua o Isalaelu,
11 kae ko oti ne tuku ne au i konā a te Pusa e tuku i ei a te feagaiga+ telā ne fai ne Ieova mo tino Isalaelu.”
12 Tenā ne tu aka ei a ia i mua o te fatafaitaulaga a Ieova i mua o te fakapotopotoga kātoa o Isalaelu, kae ‵fola ana lima.+
13 (Me ne faite ne Solomona se tulaga kopa kae tuku atu i te kogaloto o te koga ateatea.*+ E lima kupita* te loa, e lima kupita te lauefa, kae tolu kupita te maluga; kae ne tu a ia i luga i ei.) Ne totuli ifo a ia i mua o te fakapotopotoga kātoa o Isalaelu kae ‵fola ana lima ki te lagi,+
14 ana muna: “Ieova te Atua o Isalaelu, e seai se Atua e ‵pau mo koe i te lagi io me i te lalolagi, e tausi ki te feagaiga kae fakaasi atu te alofa fakamaoni ki au tavini kolā e sa‵sale i ou mua mo olotou loto kātoa.+
15 Ne tausi ne koe te tautoga ne fai ne koe ki tau tavini ko Tavita toku tamana.+ Ne tauto koe i tou gutu, kae i te aso nei ne fakataunu eiloa ne koe ki tou lima.+
16 Nei la, e Ieova te Atua o Isalaelu, tausi ki te tautoga ne fai ne koe ki tau tavini ko Tavita toku tamana i te taimi ne fai atu ei koe: ‘Kafai e ‵saga tonu au tama tāgata ki te lotou auala mai te sa‵sale i aku tulafono+ e pelā eiloa mo tau sasalega i oku mua,+ ka isi faeloa se tagata i tou gafa e sagasaga i luga i te nofogaaliki o Isalaelu.’
17 Nei la, e Ieova te Atua o Isalaelu, ke taunu eiloa a te tautoga ne fai ne koe ki tau tavini ko Tavita.
18 “Kae e mata, ka ‵nofo fakatasi eiloa a te Atua mo tino i te lalolagi?+ Kiloke! A te lagi, ao, a te lagi o lagi, e se mafai o ofi koe i ei;+ kae sili atu la te foliki o te fale tenei ne faite ne au!+
19 Ke na saga atu nei koe ki te ‵talo a tau tavini mo tena fakatagi mō se fakamagaloga, e Ieova toku Atua, kae fakalogo ki te ‵tagi mō se fesoasoani mo te ‵talo a tau tavini telā e ‵talo atu i ou mua.
20 Ke saga tonu mai eiloa ou mata ki te fale tenei i te ao mo te po, ki te koga telā ne fai mai koe me ka tuku ne koe i ei tou igoa,+ o fakalogo ki te ‵talo a tau tavini telā e ‵talo kae saga atu ki te koga tenei.
21 Kae fakalogo mai ki te fakatagi a tau tavini mō se fesoasoani mo fakatagi a ou tino Isalaelu māfai e ‵talo kae ‵saga atu ki te koga tenei,+ kae ke lagona ne koe mai tou koga nofo i te lagi;+ ao, ke lagona eiloa ne koe kae fakamagalo ne koe.+
22 “Kafai se tagata e agasala ki te suā tagata kae ‵tau o fai ne ia se tautoga* kae ko ‵tau o fakataunu ne ia te tautoga* tenā, kae vau a ia ki mua o tau fatafaitaulaga i te fale tenei+ i te taimi koi nofo ei mai lalo i te tautoga,*
23 ke fakalogologo eiloa koe ki ei mai te lagi kae gasuesue kae fakamasino au tavini mai te taui atu ki te tino masei kae fakasala a ia e ‵tusa mo ana mea ne fai+ kae fai atu me i te tino amiotonu e seai sena ‵se* kae taui atu ki a ia e ‵tusa mo tena amiotonu.+
24 “Kae kafai e fakatakavale ou tino Isalaelu ne se fili me e tumau eiloa latou i te agasala ki a koe,+ kae e ‵foki mai latou o avatu a vikiga ki tou igoa+ kae ‵talo+ kae fakamolemole atu i ou mua i te fale tenei+ ki se taliaga mai i a koe,
25 ke fakalogologo eiloa koe ki ei mai te lagi+ kae fakamagalo a te agasala a ou tino Isalaelu kae faka‵foki mai latou ki te fenua telā ne tuku ne koe ki a latou mo olotou tupuga.+
26 “Kafai ko ‵pono a te lagi kae seai ne vaiua+ me ne agasala faeloa latou ki a koe,+ kae ‵talo atu latou kae ‵saga mai ki te koga tenei kae tavae ne latou tou igoa kae ‵fuli kea‵tea mai te lotou agasala me ne fai ne koe latou ke loto maulalo,*+
27 ke fakalogologo eiloa koe mai te lagi kae fakamagalo a te agasala a au tavini, ko ou tino Isalaelu, me ka akoako ne koe latou e uiga ki te auala ‵lei e ‵tau o sa‵sale latou i ei;+ kae aumai ne koe te vaiua+ ki tou fenua telā ne tuku ne koe ki ou tino e pelā me se tofi.
28 “Kafai e poko se oge i te fenua,+ io me se famai,+ se matagi ‵vela, taelagoa,+ mumuga seakelise io me ne seakelise*+ fe‵kai io me kafai e nikoi latou ne olotou fili i loto i so se fakai o te fenua*+ io me kafai e ‵poko latou i so se vaegā mala io me se masaki,+
29 so se ‵talo,+ mo so se fakatagi mō se fakamagaloga+ e fai ne so se tagata io me ko ou tino Isalaelu katoa (me e iloa ne tino taki tokotasi a tena puapuaga mo tena logo‵mae)+ māfai ko ‵fola atu olotou lima kae ‵saga atu ki te fale tenei,+
30 ke fakalogologo eiloa koe mai te lagi, ko tou koga nofo,+ kae ke fakamagalo ne koe;+ kae taui atu ki tino taki tokotasi e ‵tusa eiloa mo olotou auala katoa, me iloa ne koe a mea i olotou loto (ko koe tokotasi fua e iloa tonu ne koe a te loto o te tino),+
31 ko te mea ke ma‵taku latou ki a koe mai te sa‵sale i ou auala i aso katoa e ola ei latou i te fenua ne tuku ne koe ki omotou tupuga.
32 “E pelā foki mo te tino fakaa‵tea telā e se aofia i ou tino Isalaelu kae ne vau mai se fenua ‵mao ona ko tou igoa sili*+ mo tou lima malosi mo tou lima mafi, kae e vau a ia o ‵talo kae saga mai ki te fale tenei,+
33 ke fakalogologo eiloa koe mai te lagi, ko tou koga nofo, kae fai a mea katoa e fakamolemole atu ki ei a te tino fakaa‵tea tenā, ko te mea ke iloa ne tino katoa i te lalolagi a tou igoa+ kae ke ma‵taku ki a koe, e pelā eiloa mo ou tino Isalaelu, kae ke iloa ne latou me e takutaku eiloa tou igoa i te fale tenei ne faite ne au.
34 “Kafai e olo ou tino o taua ki olotou fili i te auala ne uga ei ne koe latou+ kae ‵talo atu latou+ ki a koe kae ‵fuli mai ki te fakai tenei ne filifili ne koe kae ‵saga atu ki te fale telā ne faite ne au mō tou igoa,+
35 tenā ko fakalogologo ei koe mai te lagi ki olotou ‵talo mo olotou fakatagi mō se fakamagaloga kae fai te fakamasinoga mō latou.+
36 “Kafai e agasala latou ki a koe (me e seai se tagata e se agasala),+ kae kaitaua koe ki a latou kae tiaki ne koe latou ki te fili, kae puke fakapagota latou ne tino o ave ki se fenua ‵mao io me se fenua pili mai,+
37 kae ne toe ala aka olotou mafaufau i te fenua ne ave fakapagota latou ki ei, kae toe ‵foki atu ki a koe kae fakamolemole atu mō se fakamagaloga i te fenua e ‵nofo fakapagota latou i ei, olotou muna, ‘A matou ko agasala kae fai mea ‵se; ne fai ne matou a mea ma‵sei,’+
38 kae toe ‵foki atu latou ki a koe mo olotou loto kātoa+ mo olotou foitino kātoa i te fenua ne ave fakapagota+ latou ki ei, kae e ‵talo atu latou kae ‵fuli ki te lotou fenua telā ne tuku ne koe ki olotou tupuga mo te fakai ne filifili ne koe+ mo te fale ne faite ne au mō tou igoa,
39 tenā ko fakalogologo ei koe mai te lagi, ko tou koga nofo, ki te lotou ‵talo mo te lotou fakatagi mō se fakamagaloga, kae fai te fakamasinoga mō latou+ kae fakamagalo ou tino kolā ne agasala ki a koe.
40 “Nei la, e toku Atua, fakamolemole ke ‵pula mai ou mata kae tuku tonu mai ou taliga ki te ‵talo telā e fai atu mai te koga tenei.+
41 Kae ke fanaka nei koe e Ieova te Atua, ki tou koga malōlō,+ ko koe mo te Pusa o tou malosi. Ke ‵pei au faitaulaga ki gatu o te fakaolataga, e Ieova te Atua, kae ko ou tino fakamaoni ke fia‵fia i tou aga‵lei.+
42 Ieova te Atua, ke mo a ma ‵teke* ne koe ou tino fakaekegina.+ Ke masaua eiloa ne koe a tou alofa fakamaoni ki a Tavita tau tavini.”+
Fakamatalaga mai lalo
^ Epelu, “ko tau tama tagata, telā ka vau mai ou kauaga.”
^ Io me “se koga e ‵pui.”
^ Epelu, “fakamalaiaga.”
^ Epelu, “fakamalaiaga.”
^ Io me “kae e fakamalaia ne te tino fakamuli a ia.” Se tautoga e olo tasi mo se fakamalaiaga e pelā me se fakasalaga māfai e tauto fakaloiloi io me e se tausi ki ei.
^ Io me “amiotonu.”
^ Io me “puapuaga.”
^ Epelu, “i te fenua o ana mataloa.”
^ Io me “sikusikulauniu.”
^ Io me “takutakua.”
^ Epelu, “‵fuli kea‵tea a mata o.”
