I aso nei a fakamatalaga io me ne tala e mafai o fakasalalau fakavave ki te fia miliona o tino e auala i tusi, letio, televise mo te itaneti. A latou kolā e tapuaki ki “te Atua o te munatonu” e se ma‵nako o fakasalalau atu a fakamatalaga sē ‵tonu, ke oko foki loa ki fakamatalaga kolā e mafai o fai fakafuasei atu ne latou. (Sal 31:5; Eso 23:1) A tala sē ‵tonu kolā e fakasalalau atu ki nisi tino e mafai o fakalogo‵mae. Kafai e fia iloa ne koe me se tala tonu io me ikai, ke fesili ifo penei:

• ‘E mata, e fakatalitonugina te koga ne māfua mai ei te tala?’ E mafai o se iloa ne te tino telā e fakamatala ne ia a te tala a fakamatalaga ‵tonu katoa o te tala. A tala kolā e ave mai se tino ki te suā tino e mafulifuli faeloa, tela la, fakaeteete māfai e se iloa ne koe te koga tonu ne māfua mai i ei te tala. Ona la ko tino kolā e isi ne olotou tauliaga i te fakapotopotoga e ‵tau o maua mai ei a fakamatalaga kolā e fakatuagagina, tela la, e ‵tau o fakaeteete latou i te fai atu o tala kolā e se mautinoa

• ‘E mata, ne fakamatalaga fakamasei tino?’ Kafai e fakamasei i ei te igoa ‵lei o se tino io me se fakapotopotoga, e ‵lei atu ke se toe fakamatala atu.—Fat 18:8; Fpi 4:8

• ‘E mata, e fakatalitonugina?’ Fakaeteete māfai e lagona ne koe a tala kolā ko tō fakalasi‵lasi

KE ONOONO KI TE VITIOE FAKAGATA PEFEA NE AU TE GUTU FATUFATU? KO TALI EI A FESILI KONEI:

• E pelā mo te Faataoto 12:18, ne a fakamaseiga e mafai o fai ne pati?

• E fesoasoani mai pefea te Filipi 2:4 ke maua ne tatou se kilokiloga paleni māfai e fai‵pati e uiga ki nisi tino?

• Ne a ‵tou mea e ‵tau o fai māfai e lagona ne tatou a pati fakatauemu io me ne pati sē ‵lei e fai ki nisi tino?

• Mai mua o fai‵pati e uiga ki nisi tino, ne a fesili e ‵tau o fesili ifo ki a tatou eiloa?