E pelā mo te senitenali muamua, e maua eiloa ne tatou i aso nei a te tauliaga ke fakaasi atu a te alofa ki ‵tou taina Kelisiano kolā e ‵fepaki mo fakalavelave o te natula. (Ioa 13:34, 35) Onoono ki te vitio ko Te Alofa i Faiga—Galuega Fesoasoani i Fenua Fo‵liki ke lavea atu te auala ne fesoasoani atu ei a Kelisiano ki manakoga o olotou taina mo tuagane i kogā koga o te Caribbean, ka oti, ko tali aka ei a fesili konei mai lalo:

• Ne pokotia pefea a ‵tou taina i te Carribean i te Alikeni ko Irma mo te Alikeni ko Maria?

• Ne fesoasoani atu pefea a Ieova ki ‵tou taina i te Caribbean e auala i taina Kelisiano?

• Ne pefea a lagonaga o taina mo tuagane kolā ne pokotia i alikeni ona ko te alofa mo te kaimalie ne fakaasi atu ne olotou taina ki a latou?

• E tokofia a taina mo tuagane ne aofia i te matagaluega fesoasoani mō fakalavelave ‵tupu o te natula i fenua o te Caribbean?

• Ne a mea e mafai ne tatou katoa o fai ke fesoasoani atu ki te galuega fesoasoani tenei?

• Ne fakamalosi aka pefea ne te vitio tenei ou lagonaga e uiga ki te aofia o koe i te fakapotopotoga a‵lofa tenei?