Kaia e ‵tau ei o filifili faka‵lei ne tatou a ‵tou fakafiafiaga? Kafai ko fili ne tatou se ata ke onoono ki ei, se pese ke fakalogo ki ei, se fakatuatusi i te itaneti ke fano ki ei, se tusi ke faitau, io me se tafaoga vitio ke tafao i ei, ko filifili eiloa ne tatou se mea ke faka‵fonu ki ei a ‵tou mafaufau. E pokotia eiloa a ‵tou amioga i ‵tou filifiliga e fai. Se mea fakafanoanoa, me e aofia i te ukega o fakafiafiaga i aso nei a mea kolā e takalialia ki ei a Ieova. (Sal 11:5; Kal 5:19-21) Ona ko te mea tenei, e fakamalosi mai te Tusi Tapu ke tumau tatou i te filifili aka a mea kolā e faka‵malu atu ki a Ieova.—Fpi 4:8.

ONOONO KI TE VITIO KO TE NE A FAKAFIAFIAGA E ‵TAU O FILIFILI NE AU? KA OTI KO TALI AKA EI A FESILI KONEI MAI LALO:

• E ‵pau pefea a tafaoga a te kau Loma mua mo fakafiafiaga i aso nei?

• E mafai pefea o fesoasoani atu a tino i te fakapotopotoga ki talavou ke filifili faka‵lei a fakafiafiaga?

• E mafai pefea o fesoasoani mai a te Loma 12:9 ki te filifiliga o fakafiafiaga?

• Ne a nisi fakaakoakoga o fakafiafiaga ‵lei i te koga e nofo koe i ei?