Ne ‵valo fakamaea mai eiloa ne Ieova a mea kolā ka ‵tupu

51:11, 28

• A te kau Metai mo te kau Pelesia ne tino apo i te sana kae ko matasana ko te lotou meatau masani. E fakamata ne latou olotou matasana ko te mea ke mafai o velo malosi atu ki loto

51:30

• E fai mai te tusi The Nabonidus Chronicle: “Ne ulu atu a te kautau a Kulesa ki loto i Papelonia e aunoa mo se taua.” Kāti e fakauiga te mea tenei ki te seai o se kinauga kae ne fetaui ‵lei eiloa mo te valoaga a Ielemia

51:37, 62

• I te kamataga o te 539 T.L.M., ne kamata o gasolo ifo a te takutakua o Papelonia. Ne manako a Alesana te Sili ke fai a Papelonia mo fai tena laumua, kae ne mate fakapoi a ia. I te kamataga o te vaitaimi o Kelisiano, koi isi eiloa se potukau o tino Iutaia i konā, telā ne maua ei ne te apositolo ko Petelu se pogai ke asi atu ki Papelonia. Kae i te fa o senitenali T.A., ne fakamasei a te fa‵kai, kae ne galo katoatoa atu fakamuli