E ‵fonu a ‵tou tusi i ata kolā e akoako mai ei a manatu tāua. E mafai pefea o fakaaoga faka‵lei ne koe a ata konei?

• Onoono ki ata mai mua o faitau koe ki te mataupu. Ka mafai o fia iloa ne koe te uiga o ata konā kae fai ei ke fia faitau koe ki te mataupu. E pelā eiloa māfai ko lavea ne koe ne mea‵kai ‵gali kae fai ei ke fiakai koe ki ei. Tela la, ke fesili ifo ki a koe eiloa, ‘Ne a mea e lavea ne au?’—Amosa 7:​7, 8.

• I te taimi e faitau koe ki te mataupu, mafaufau ki te pogai ne fakaaoga ei te ata tenā. Faitau ki te fakamatalaga o te ata. Mafaufau ki te sokoga o te ata tenā ki te mataupu e sau‵tala ki ei e pelā foki mo tou olaga.

• Kafai ko oti ne faitau, fakaaoga a ata ke toe faka‵foki ki ei a manatu tāua. Taumafai o fakaataata i tou mafaufau a ata mo manatu mai ata takitasi.

• Kaia e se onoono ei koe ki ata i te mekesini tenei me e mata, koi masaua ne koe a mea e akoako mai i ei?