Pa 4 October, 2024, Mudumbur Nataliya Sharapova wali kufumiskika mu jele ku Russia. Pa 10 July , 2024 ŵakamusanga na mulandu ndipo khoti likadumura kuti wakagwire jele vyaka vitatu. Pakuti wakakhala kale mu jele pafupifupi vyaka viŵiri pambere ŵandadumure mulandu wake , pasono wali kumalizga kugwira chilango chake.

Panyengo iyo ŵakategherezganga mulandu wake, Nataliya wakaphalira khoti kuti: “Nili na ŵabali na ŵadumbu ŵane ŵanandi ŵakugomezgeka awo ŵakunitemwa chomene. Yesu wakasambizga kuti: ‘Usange mukutemwana, wose ŵamanyenge kuti ndimwe ŵasambiri ŵane’ (Yohane 13:35) Chitemwa ndicho chikunituma kuchita vyose ivi ndipo nilutilirenge kuchita nthena.”

Pasono Nataliya waliso pamoza na ŵa mumbumba yake. Tili na chigomezgo chose kuti Yehova walutilirenge kulongora ‘Lusungu lwake’ kwa Nataliya kweniso ŵateŵeti ŵake wose ŵakugomezgeka.—Salimo 59:16, 17.