Privacy Settings

To provide you with the best possible experience, we use cookies and similar technologies. Some cookies are necessary to make our website work and cannot be refused. You can accept or decline the use of additional cookies, which we use only to improve your experience. None of this data will ever be sold or used for marketing. To learn more, read the Global Policy on Use of Cookies and Similar Technologies. You can customize your settings at any time by going to Privacy Settings.

Lutani apo pali nkhani

Lutani apo pali mitu ya nkhani

Kalipentara wakukhoma muzumali pa thabwa.

CHARU CHAZURA NA MASUZGO

2 | Mupwelelerenge Ndalama na Vinthu Ivyo Muli Navyo

2 | Mupwelelerenge Ndalama na Vinthu Ivyo Muli Navyo

CHIFUKWA WULI NTCHAKUZIRWA?

Ŵanthu ŵanandi vikuŵasuzga kuti ŵasange vinthu vyakukhumbikwa pa umoyo wawo wa zuŵa na zuŵa. Ndipo chachitima ntchakuti masuzgo agho sono ghazura mu charu, ghakupangiskaso kuti vinthu visuzgirethu. Chifukwa wuli?

  • Para mu chigaŵa mwawa suzgo linyake, vinthu vyakukhumbikwa pa umoyo vikuŵa vyakudura kusazgapo chakurya na nyumba.

  • Masuzgo ghangapangiska kuti ŵanthu ŵanandi ŵaŵalekeske ntchito panji kwamba kupoka malipiro ghachoko.

  • Masoka ghachilengiwa ghangananga mabizinesi gha ŵanthu, nyumba, panji vinthu vinyake ndipo ŵanthu ŵanandi ŵangakavuka.

Ivyo Mukwenera Kumanya

  • Para mukugwiliskira ntchito makora ndalama zinu, vinthu vingazakamwenderaniko makora para kwawa suzgo.

  • Kumbukani kuti ndalama izo munthu wangasunga kweniso katundu vingamara panji kuchepa nkhongono.

  • Pali vinthu vinyake ivyo tingagura yayi na ndalama, nga chimwemwe, kweniso kuŵa ŵakukolerana mu banja.

Ivyo Mungachita Pasono

Ivyo Baibolo likuyowoya: “Pakuŵa na vyakurya, vyakuvwara na nyumba, tikhorwenge na vinthu ivi.”—1 Timote 6:8.

Kuŵa ŵakukhorwa ni para tikukondwa na ivyo tili navyo na kuleka kukhumba vinandi pa umoyo withu. Ichi ntchakukhumbikwa chomene pa nyengo iyo tili na ndalama zichoko.

Kuti tiŵe ŵakukhorwa, tikwenera kusintha umo tikuchitira vinthu pa umoyo withu. Para nyengo zose mukulimbana na kukhala umoyo wapachanya uwo ukukolerana yayi na ndalama izo mukusanga, mbwenu musanganenge na masuzgo ghanandi.