Namwe Mungasanga Vinjeru
“Malemba ghose ngakupelekeka na Chiuta.” (2 Timote 3:16) Mu vesi ili mazgu ghakuti “ngakupelekeka,” ghakung’anamura kuti Chiuta Wankhongonozose ndiyo wakaŵaphaliranga vyakuti ŵalembe awo ŵakalembanga Baibolo.
Chiuta Wakumupemphani Kuti Musange Chandulo na Vinjeru Vyake
“Ine Yehova . . . [nkhumusambizgani] kuti musange chandulo, [nkhumulongozgani] mu nthowa iyo mukwenera kwendamo. Muŵenge kuti mwapulikira malango ghane! Mphanyi mtende winu waŵa nga ni mlonga na urunji winu nga ni majigha gha nyanja.”—YESAYA 48:17, 18.
Mukwenera kuwona mazgu agha kuti Yehova wakumupemphani imwe pamwekha. Iyo wakukhumba kuti muŵenge na mtende wa mu mtima kweniso kuti nyengo zose muŵenge ŵakukondwa. Ndipo iyo wangamovwirani kuti musange ivi.
Mungasanga Vinjeru vya Chiuta
“Makani ghawemi ghakwenera kupharazgika dankha mu mitundu yose.”—MARIKO 13:10.
“Makani ghawemi” ghakusazgapo ivyo Yehova wali kulayizga kuti wamazgenge masuzgo ghose na kuzgora charu chapasi kuŵa paradiso kweniso kuwuska ŵabali ŵithu awo ŵali kufwa. Ŵakaboni ŵa Yehova ŵakupharazga uthenga uwu pa charu chose chapasi.
Panji Mungatemwa Kuŵerengaso Nkhani Izi
GONGWE LA MULINDA
Baibolo Ni Buku Ilo Muli Unenesko
Mungaŵa na chigomezgo kuti ivyo Baibolo likuyowoya ni vyaunenesko nadi
