Chikhore: Buku linyake likuti mazgu gha Chigiriki agho ghali kung’anamulika kuti “chikhore” pa 2 Ŵakorinte 1:22, ghakagwiranga ntchito pa nkhani za malonda. Chikhore zikaŵanga ndalama panji chinthu icho munthu wakapelekanga kusimikizgira kuti chinthu icho wazamutora nadi. Para Ŵakhristu ŵaphakazgika na mzimu utuŵa, ndikuti ŵapika chikhore. Kweni lemba la 2 Ŵakorinte 5:1-5 likuti Ŵakhristu ŵakuphakazgika ŵakupokera njombe yawo yakukwana, iyo ni umoyo wamuyirayira, para ŵaluta kuchanya.—1 Kor. 15:48-54.

Mazuŵa ghano, mazgu ghakufuma ku Chigiriki agha ghakung’anamuraso mphete iyo ŵanthu awo ŵakukhumba kutorana ŵakuvwalikana kulongora kuti ŵatoranenge nadi. Ichi ntchiyelezgero chiwemi chomene ku ŵakuphakazgika awo mwakuyelezgera ŵamuŵa nga ni muwoli wa Khristu kuchanya.—2 Kor. 11:2; Chivu. 21:2, 9.

Chidindo: Kale chidindo chikagwiranga ntchito nga ni siginechara iyo yikulongora mwenecho wa chinthu, panji kuzomerezga. Ŵakhristu ŵakuphakazgika ‘ŵakudindika’ mwakuyelezgera para Chiuta waŵapa mzimu utuŵa kulongora kuti mbake. (Efe. 1:13, 14) Chidindo ichi chikugwira ntchito m’paka apo Mkhristu wakuphakazgika wakufwira. Kweni ku awo ŵalutilirenge kuŵa na umoyo, chizamuleka kugwira ntchito pa iwo para suzgo yikuru yakhala pachoko waka kwamba.—Efe. 4:30; Chivu. 7:2-4.