Kujiyuyura
Kasi Yehova wakuŵawona wuli ŵanthu ŵakujiyuyura na ŵakujikuzga?
Sa 138:6; Zi 15:25; 16:18, 19; 22:4; 1Pe 5:5
-
Viyelezgero vya mu Baibolo ivyo vingamovwirani:
-
2Mi 26:3-5, 16-21—Themba Uziya likajikuzga; likaswa Dango la Chiuta ndipo likakwiya wasembe wati walipa ulongozgi; ndipo Chiuta wakalitimba na vyoni
-
Lu 18:9-14—Yesu wakayowoya ntharika kuti walongosore umo Yehova wakuwonera lurombo lwa munthu wakujiyuyura na wakujikuzga
-
Kasi Yehova wakuchita wuli na munthu wakujiyuyura uyo walapa kufumira pasi pamtima?
-
Viyelezgero vya mu Baibolo ivyo vingamovwirani:
-
2Mi 12:5-7—Themba Rehobowamu na ŵakaronga ŵa Yuda ŵakajiyuyura pamaso pa Yehova na kulapa ndipo Yehova wakaŵagowokera
-
2Mi 32:24-26—Themba liwemi Hezekiya likajikuzga, kweni Yehova wakaligowokera likati lajiyuyura na kulapa
-
Kasi kujiyuyura kukutovwira wuli kuti tiŵe paubwezi uwemi na ŵanyithu?
Efe 4:1, 2; Fil 2:3; Kol 3:12, 13
-
Viyelezgero vya mu Baibolo ivyo vingamovwirani:
-
Ge 33:3, 4—Esau wakamukwiyira chomene mubali wake, kweni Yakhobe wakajiyuyura chomene apo wakakumananga na mukuru wake, ivi vikapangiska kuti ŵaŵeso pamtende
-
Ŵer 8:1-3—Mweruzgi Gidiyoni wakajiyuyura na kuphalira ŵanalume ŵa Efurayimu kuti ŵakaŵa ŵakuzirwa kuluska iyo ndipo ŵakatuna na kuleka kurwa nayo
-
Kasi Yesu Khristu wakasambizga wuli kuzirwa kwa kujiyuyura?
Mt 18:1-5; 23:11, 12; Mrk 10:41-45
-
Viyelezgero vya mu Baibolo ivyo vingamovwirani:
-
Yes 53:7; Fil 2:7, 8—Nga umo ntchimi zikayowoyera, Yesu wakaŵa wakujiyuyura ndipo wakazomera kwiza pa charu kuzakapeleka umoyo wake na kufwa nyifwa yakuŵinya na yakukhozga soni
-
Lu 14:7-11—Yesu wakayowoya ntharika yakukhala pa malo ghapachanya ku chiphikiro kuti watisambizge umo kujiyuyura kungatovwilira
-
Yoh 13:3-17—Yesu wakasambizga ŵalondezgi ŵake kujiyuyura apo wakageziska malundi gha ŵapositole ŵake
-
Kasi kujiwona mwakwenelera kweniso kuwona ŵanyithu umo Yehova wakuŵawonera kungatovwira wuli kuti tiŵe ŵakujiyuyura?
Chifukwa wuli kujiyuyura kwa upusikizgi nkhwambura ntchito?
Panji Mungatemwa Kuŵerengaso Nkhani Izi
Ivyo Mungasambira mu Baibolo
Yakhobe na Esau Ŵakaŵaso Pamtende
Kasi Yakhobe wakachita vichi kuti mungelo wamutumbike? Kasi wakachita wuli kuti waŵeso pamtende na Esau?
YESU NI NTHOWA, UNENESKO, NA UMOYO
Yesu Wakachizga Msungwana na Mwanalume Wakumangwa Makutu
Chifukwa wuli mwanakazi wakakhuŵara yayi apo Yesu wakayaniska fuko la mwanakazi yura na tuntcheŵe?
YESU NI NTHOWA, UNENESKO, NA UMOYO
Wakaŵasambizga Kujiyuyura pa Paska Laumaliro
Ŵapositole ŵakazizwa kuwona Yesu wakuchita mulimo wa muzga.
MANYANI VYA ISE
Pemphani Kuti Musambirenge Baibolo
Dumbiskanani fumbo la mu Baibolo, panji manyani vinandi vyakukhwaskana na Ŵakaboni ŵa Yehova.
