PA Chisulo, Malichi 7, 2015, mipingo ya Ŵakaboni ŵa Yehova pa charu chose chapasi yikamba kamupeni ya masabata ghanayi yakuchema ŵanthu kuti ŵazakaŵepo pa zuŵa la kukumbukira nyifwa ya Yesu Khristu. Kweniso kuti ŵazakapulikizge nkhani ya umo nyifwa ya Yesu yingatovwilira. Ŵanthu ŵanandi awo ŵakaŵa mu jele nawo ŵakachemeka kwizira pa foni na makalata. Kasi ŵakazgora wuli? Pa Chinkhondi, Epulero 3, Ŵakaboni ŵa Yehova ŵakakondwa chomene apo ŵakapokelera ŵanthu ŵakukwana 19,862,783 pa nyengo yakuzirwa iyi. Pasono tikuyezgayezga kuti tovwire ŵanthu awo ŵakiza kuzakasopa nase Chiuta waunenesko na kuwona chitemwa chake chikuru kweniso kupulika vitumbiko ivyo Chiuta wazamutipa chifukwa cha nyifwa ya Yesu.—Mika 4:2.