Solomoni wakachita mwambura mahara pakutora ŵanakazi awo ŵakasopanga ŵachiuta ŵatesi (1Ma 11:1, 2; w18.07 18 ¶7)

Pachoko na pachoko, ŵawoli ŵa Solomoni ŵakapuluska mtima wake kwa Yehova (1Ma 11:3-6; w19.01 15 ¶6)

Yehova wakakwiya na Solomoni (1Ma 11:9, 10; w18.07 19 ¶9)

Mazgu gha Chiuta ghakuphalira Ŵakhristu ŵambura kutora panji kutengwa kuti ŵatorenge panji kutengwa “mu Fumu pera.” (1Ko 7:39) Ndipouli, chifukwa chakuti waka munthu ngwakubatizika, mbwe ndikuti ngwakwenelera kutorana nayo yayi. Kasi uyo mutoranenge nayo wazamumovwirani kulutilira kuteŵetera Yehova na mtima wose? Kasi munthu uyu, wakulongora kuti wakumutemwa Yehova? Mumanyani makora munthu uyo mukukhumba kuzakatorana nayo pambere mundapangane vyakuti mutorane.