Nga umo Yesaya wakachimira, mazuŵa ghano chigaŵa cha pa charu chapasi cha gulu la Yehova chikukura mwaluŵiro chomene. (Yes 54:2) Lekani pakukhumbikwa kuzenga Nyumba za Ufumu ziphya, Malo Ghakuchitirapo Maungano, kweniso maofesi gha munthavi. Para pajumpha nyengo, nyumba izi zikukhumbikwira kuzinozgaso. Ntchito izi zikutipa mwaŵi wakuti tipelekenge nyengo yithu kweniso nkhongono zithu kwa Yehova.

• Nase tingawovwirapo para gulu lithu la uteŵeti likunozga pa Nyumba ya Ufumu

• Tingajipeleka kuti tisambizgike umo tinganozgera Nyumba yithu ya Ufumu

• Tingalemba fomu ya DC-50 kuti tovwirepo pa kuzenga kweniso kunozga Nyumba za Ufumu za kufupi na kwithu

• Tingalemba fomu ya A-19 kuti tovwirepo kwa sabata yimoza panji zinandi pa ntchito izo zikuchitika mu chigaŵa cha ofesi yithu ya munthavi panji ofesi yinyake

WONELERANI VIDIYO YA MUTU WAKUTI TIKUNOZGEKERA KWAMBASO NTCHITO YINYAKE YAKUZENGA—YAKUDUMURA, NDIPO PAMANYUMA ZGORANI MAFUMBO GHAKULONDEZGAPO AGHA:

• Pa nkhani ya kuwoneska mavidiyo, kasi gulu laluta wuli panthazi para tingayaniska na umo vikaŵira pambere tindafike chaka cha 2014?

• Kuti tikwaniske kuŵa na mavidiyo agho ghakukhumbikwa pa kusopa, kasi pali ndondomeko wuli, ndipo yizamwamba na kumara pauli?

• Kasi ŵanthu ŵangawovwirapo wuli pa mulimo uwu?

• Para tikukhumba kukawovwirapo pa mulimo wakuzenga ku Ramapo, chifukwa wuli tikwenera kusayina fomu ya DC-50 na kugwirako ntchito za kuzenga izo zikuchitika kufupi na kwithu?

• Kasi pali ukaboni wuli wakuti Yehova “wakudangilira” ntchito iyi?

• Kasi tingawovwirapo wuli pa mulimo uwu, nangauli tingafiska yayi kukagwirako ntchito iyi?