Ŵayuda awo ŵakatolekera kuwuzga ŵakakhozgeka na mboniwoni ya Ezekiyeli yakuyowoya vya tempile. Mboniwoni iyi yikaŵapa chigomezgo kuti ŵazamwambaso kusopa kwaunenesko. Mu mazuŵa ghaumaliro agha kusopa kwaunenesko ‘kwakhazikika pachanya chomene pa mapiri,’ ndipo ise tili mu gulu la awo ŵakuthilimukira ku phiri ili. (Yes 2:2) Kasi mukuzirwiska mwaŵi uwo muli nawo wa kumumanya Yehova na kumuteŵetera?

• Tili na chakurya chinandi chauzimu icho chikutovwira kusanga mazgoro gha mafumbo ghakuzirwa chomene pa umoyo. Chikutovwiraso kukhala makora na ŵanyithu kweniso tili na chigomezgo chanadi.—Yes 48:17, 18; 65:13; Ro 15:4

• Tili paubali na Ŵakhristu ŵanyithu pa charu chose.—Sa 133:1; Yoh 13:35

• Tili na mwaŵi kuŵa ŵantchito ŵanyake na Chiuta.—Mil 20:35; 1Ko 3:9

• Tili na “mtende wa Chiuta” uwo ukutipa nkhongono para tili mu suzgo.—Fil 4:6, 7

• Tili na njuŵi yituŵa.—2Ti 1:3

• Tili ‘paubwezi wakukhora na Yehova.’—Sa 25:14

Kasi ine ningalongora wuli kuti nkhuzirwiska kusopa kwaunenesko?