2 | “Okuhuumuzibwa Kuruga omu Byahandiikirwe”
BAIBULI EGAMBA: “Byona ebyahandikirwe ira, bikahandikwa obwokwegesa itwe, nukwo tube nokunihira obwokugumisiriza nobwokuhumura okwomu byahandikirwe.”—ABARUMI 15:4.
Eki Nikimanyisa Ki?
Baibuli erumu ebigambo ebituhuumuza kandi ebisobora kutukonyera kugumira enyehurra embi. Obutumwa obuli omu Baibuli butuha okunihira ngu omu kasumi akatali ka hara enyehurra embi niziija kuhwaho.
Eki Kitukonyera Kita?
Itwena haroho obutuhurra twetuntwire; baitu abo abaine oburwaire bw’okwenuuba rundi obw’okwetuntura baraba omu busaasi bunu buli kiro. Baibuli n’esobora kubakonyera eta?
Baibuli erumu ebigambo ebirungi ebitusobora kutekerezaaho. (Abafiripi 4:8) Nibisobora kutuhuumuza n’okutugarramu amaani, kandi bikatukonyera kweyihamu ebitekerezo rundi enyehurra embi.—Zabuli 94:18, 19.
Baibuli n’esobora kutukonyera kuleka kutekereza ngu titwine mugaso.—Luka 12:6, 7.
Omu Baibuli harumu enkarra nyingi ezirukutugumya ngu Ruhanga waitu nayetegereza kurungi omulingo turukwehurramu.—Zabuli 34:18; 1 Yohana 3:19, 20.
Baibuli eraganiza ngu Ruhanga naija kwihaho obusaasi. (Isaya 65:17; Okusuku’rwa 21:4) Obuturukuba nitutalibanizibwa ebitekerezo ebibi n’enyehurra embi, omurago gunu nigusobora kutukonyera kugumiisiriza.
Nosobora Kugonza na Binu;
ENYEGESA ZA BAIBULI ENKURU
Nikisoboka Kuba Munywani wa Ruhanga? Nk’Oku Osobora Kuba Munywani wa Ruhanga
Kumara ebyasa bingi eby’emyaka, abantu baikaire n’ekyetaago eky’okumanya Omuhangi wabo. Baibuli nesobora kukukonyera kuba munywani wa Ruhanga. Kuba munywani wa Ruhanga nikitandikira ha kumanya ibara lye.
EBIRUKUTUKWATAHO
Saba Kubungirwa
Tunga eky’okugarukamu ky’ekikaguzo kyawe, rundi omanye ebirukukiraho ebirukukwata h’Abakaiso ba Yahwe.
