Nk’oku Yahwe yatekaniize kurungi Abaisaleri, na kasumi kanu atekaniize abantu be kukora eby’agonza. Omu nsi yoona, ofiisi z’amataagi, ebicweka, ebitebe hamu na guruupu byona bikorra hamu nukwo amakuru amarungi geyongere kutebezebwa. Tutebeza buli muntu otwaliremu naabo abarukubaza endimi ezindi.​—Kus 14:6, 7.

Wakatekerizeeho kwega orulimi orundi nukwo okonyere abantu abandi kwega amananu? N’obw’oraaba otaine bwire oburukwetagisa kwega orulimi oruhyaka n’osobora kukozesa JW Language app ha simu rundi tabuleti kusobora kwega enyanjura ezanguhire. Hanyuma y’okuzikozesa omu buheereza, n’osobora kwehurra nk’Abakristaayo ab’omu kyasa eky’okubanza abaasemeriirwe muno abantu kuruga omu nsi ezindi obubahuniriire habw’okubahurra nibabaza “ebyamani ebya Ruhanga” omu ndimi z’owabu bo.​—Eng 2:7-11.

MUROLE VIDIYO FOOKA MUNYWANI WA YAHWE​—KUTEBEZA OMU RULIMI ORUNDI, HANYUMA MUGARUKEMU EBIKAGUZO BINU:

• Ni di obukirukukwetagisa kukozesa JW Language app?

• Bintu ki ebiri ha app egi?

• Abantu omu kiikaro eky’otebezaamu babaza ndimi ki?

• Kiki ekitusemeriire kukora kakuba omuntu outurukutebeza aba n’agonza kwega amananu baitu n’abaza orulimi orundi?​—od-E 100-101 ¶39-41