Kakuba ekigwererezi kigwaho omu kiikaro kyanyu, iwe oyetekaniize? Emisisa, emiyaga ey’amaani, omurro, hamu n’okusandaara kw’amaizi nibisobora kugwaho bwangu bwangu kandi nibihwerekereza ebintu bingi. Ekindi, bankagunaga, obulemu hamu n’endwaire ez’akabi nibisobora kubaho tutarukubinihira. (Mug 9:11) Titusemeriire kutekereza ngu ebintu nka binu tibisobora kubaho omu kiikaro nambere twikara.

Haroho ebintu itwena ebitusemeriire kukora kwetekaniriza ekigwererezi. (Nfu 22:3) N’obukiraaba ngu obuhabaho ebigwererezi ekitebe kya Yahwe kiha obukonyezi, buli omu haliitwe aine obujunanizibwa bw’okwetekaniza.​—Bag 6:5.

MUROLE VIDIYO OYETEKANIRIIZE EKIGWEREREZI? HANYUMA MUGARUKEMU EBIKAGUZO BINU:

• Kuba n’enkoragana enungi na Yahwe nikisobora kutukonyera kita kakuba habaho ekigwererezi?

• Habwaki kikuru . . .

  • • kwikara nitubaza n’abagurusi b’ekitube ekigwererezi kitakabaireho, obukirukuba kibaireho na hanyuma y’okubaho?

  • • kuteekaniza ensaho ey’osobora kwiruka nayo kandi enyakurumu ebintu ebirakukonyera kakuba habaho ekigwererezi?​—g17-E.5 6

  • • kubazaaho ebigwererezi ebirukwahukana ebisobora kubaho kandi n’ebimusobora kukora omu buli nyikara?

• Miringo ki esatu ei tusobora kukonyeramu abantu abahikirweho ebigwererezi?