HABWAKI KIKURU: Ekitabu ekya 1 Abakolinso kiri kimu ha bbaruha 14 ez’omukwenda Paulo yahandikiire Abakristaayo bagenzi be kubagarramu amaani. Omuntu obwahandiika ebbaruha, aba aine obwire oburukumara kutekerezaaho ebyarahandiika, kandi owagitunga nasobora kugisoma emirundi nyingi. Kuhandiika ebbaruha guli mulingo murungi ogw’okutebeza abanyabuzaale hamu n’abantu abaturukumanya. Kandi mulingo murungi ogutusobozesa kutebeza abantu abatutasobora kubaza nabo maiso ha maiso. Nk’ekyokurorraho abantu abatwatebiize bayoleka okugonza baitu titwayongera kubasanga omu maka gaabo. Abamu omu kicweka kyaitu eky’okutebezaamu nikisobora kutugumira kubahikaho habwokuba baikara omu byombeko rundi omu bisagaati nambere tutarukwikirizibwa kugenda, rundi omu biikaro ebyahara. Bintu ki ebimu eby’osemeriire kutekerezaaho na muno muno obworaaba n’ohandiikira omuntu ow’otamanyire?

OMULINGO GW’OKUKIKORAMU:

• Handiika ebintu ebi wakumugambiire kakuba obaire nobaza nauwe maiso ha maiso. Ha kubanza kw’ebbaruha yaawe weyanjule kurungi kandi osoborre n’ensonga habwaki ohandiikire. N’osobora kumukaguza ekikaguzo eky’asobora kutekerezaaho kandi omuragirre ha mukura gwaitu. Hanyuma mugambire ha ntekaniza ey’okwega Baibuli n’okozesa omukura gwaitu erukwetwa Online Bible Study Lessons, musoborre entekaniza yaitu ey’okwegesa abantu Baibuli omu maka gaabo, rundi ohandiike emu ha mitwe ey’eri omu kamu ha butabu tukozesa kwegesa. N’osobora kumuteramu kaadi erukuragirra ha mukura gwaitu, kaadi erukuraaliza omu nsorrokano rundi turakiti

• Handiika bike. Ebbaruha yaawe etaraiha muno, habwokuba omuntu ow’oragisindikira n’asobora kujwaha kugisoma.​—Rora ebbaruha ey’erukwoleka nk’oku osobora kukikoramu

• Somamu orole obuharaaba harumu ensobi, rundi obworaaba ohandiikire kurungi. Kigumye ngu ohandiikire nk’owarukuhandikira omunywani, omu mulingo ogw’amagezi kandi ogurukugarramu amaani. Obweraaba y’okusindika n’okozesa posita kigumye ngu sente zoona ezirukwetagisa ozisaswire