HABWAKI KIKURU: Abeegi ba Baibuli obu batekaniza, kibanguhira kwetegereza kandi n’okwijuka ebiturukubegesa. Obu beyongera kwetegereza n’okwijuka ebi barukwega, kibaletera kukurakurana bwangu omu by’omwoyo. N’obu bamara kubatizibwa, nikiija kubetaagisa kutekaniriza enso’rokano hamu n’obuheereza nukwo basobole kwikara bulindaara. (Mat 25:13) Nahabweki, abeegi obu beega kwesomesa kurungi kandi batarukwosa, kibakonyera obwomeezi bw’abo bwona. Obuturaaba nitukyatandika kwega n’omuntu Baibuli, tusemeriire kutandikiraho kumukonyera kumanya nk’oku asemeriire kutekaniza.

OMULINGO GW’OKUKIKORAMU:

• Mutereho eky’okurorraho kirungi. (Bar 2:21) Buli murundi oraaba nogenda kwegesa omwegi wawe, banza otekanize n’osigikirra ha byetaago bye. (km 11/15 3) Omwegi wawe mwoleke nk’oku akatabu kawe okatekaniize

• Mwekambise kutekaniza. Obu turatandika kwegesa omuntu Baibuli, tumusoborre nk’oku kutekaniza kiri kicweka ky’okwega kandi omusoborre n’emigaso eruga omu kutekaniza. Mwoleke nk’oku asobora kutunga obwire obw’okutekaniza n’obwaraaba aine biingi eby’okukora. Abegesa abamu bahamu abeegi babo obutabu bwabo obutekaniziibwe kurungi, nukwo abeegi barole oburungi bw’okutekaniza. Siima omwegi wawe buli murundi aratekanizaaga

• Mwoleke nk’oku asobora kutekaniza. Abagesa abamu, bakozesa obwire bw’okwega, kwoleka omwegi nk’oku asobora kutekaniza obu barukuba nibakyatandika kwega Baibuli