3:5-14

Haroho empindahinduka ez’amaani eziwakozere obuwayegere amananu? Kimanye ngu Yahwe akasemererwa muno habw’amaani agawatairemu kukora empindahinduka ezo. (Ez 33:11) Baitu, nikyetagisa kwikara noyekamba kurora ngu engeso ez’omuntu owaira tizakuzookaho baitu oikale noyoleka engeso ez’omuntu omuhyaka. Garukamu ebikaguzo binu nukwo orole nambere osobora kwongera kusemezaamu:

• Haroho omuntu ayansobiize owunyahuliire ekiniga?

• Nyoleka ngu ndi muntu arukugumiisiriza n’obukiraaba ngu ndi mubwangu rundi njwahire?

• Obunyijwamu ebitekerezo eby’obusihani, ndahuka kubyeihamu?

• Nsoroora abantu abandi kusigikirra ha raangi yabo rundi amahanga nambere barugire?

• Haroho omuntu owena ou nkwatiirwe ekiniga kandi namubaliza kubi?