ISOMO 03
Nosobora Kwesiga Baibuli?
Baibuli erumu emirago nyingi kandi eha obuhabuzi bwingi. N’osobora kuba n’ogonza kumanya eby’eyegesa, baitu nabwo n’osobora kuba n’ogyekengera. Mali osemeriire kwesiga emirago hamu n’obuhabuzi kuruga omu kitabu kinu ekyaira muno? Mali Baibuli eby’erukugamba nibisobora kukukonyera omu kasumi kanu, n’omu kasumi ak’omu maiso? Obukaikuru n’obukaikuru bw’abantu nibagyesiga. Katurole naiwe obworaaba n’osobora kugyesiga.
1. Ebintu ebirukubazibwaho omu Baibuli bikabaho kwo rundi nganikyo kwoka?
Baibuli n’egamba ngu erumu “ebigambo byamazima.” (Omugambizi 12:10) Ebazaaho ebintu hamu n’abantu ababaireho kwo. (Soma Luka 1:3; 3:1, 2.) Abanyabyafaayo baingi hamu n’abarukuseruliiriza ha bintu ebya kara bagumize nk’oku obusumi obukuru, abantu, hamu n’ebintu ebirukubazibwaho omu Baibuli bihikire.
2. Habwaki nitusobora kugamba ngu Baibuli tekahwaga ha mulembe?
Baibuli ekira kubazaaho ebintu ebyali bitamanyirwe omu kasumi nambere yahandiikirwe. Ekyokurorraho ebazaaho ebintu ebirukukwata ha sayansi. Ebintu Baibuli ebiyabalize ha sayansi abantu baingi bakaba nibabihakaniza omu kasumi nambere yahandiikirwe. Baitu, sayansi ey’akasumi kanu n’egumya ngu Baibuli ebyebaza bihikire. Baibuli eby’egamba “mazima” kandi “biikaraho ebiro byona.”—Zabuli 119:160.
3. Habwaki osemeriire kwesiga Baibuli eby’erukubaza h’akasumi ak’omu maiso?
Baibuli erumu obunabbi oburukuranga ebintu ‘ebitakakozirwe.’ (Isaya 46:10) Haroho ebintu bingi ebiyarangire nihakyaburayo emyaka nyingi, kandi ebyahikiriire nk’okuyagambire. Kandi n’ebazaaho omu bwijwire enyikara ezinyakuroho omu nsi kasumi kanu. Omu isomo linu, nitwija kubazaaho obumu ha bunabbi bwa Baibuli. Mali, buhikiire kimu kandi kinu nikihuniiriza!
YEGA EBIRUKUKIRAHO
Manya omulingo sayansi ey’akasumi kanu erukwikiranganiza na Baibuli, kandi oseruliirizeeho obumu ha bunabbi bwa Baibuli oburukuhuniiriza.
4. Sayansi nikiranganiza na Baibuli
Omu busumi bwa kara abantu baingi baikiriza ngu haroho ekintu ekikwatiriire ensi. Mutekeho VIDIYO.
Wetegereze ebigambo eby’ahandiikirwe omu kitabu kya Yobu nk’emyaka 3,500 enyuma. Musome Yobu 26:7, hanyuma mubazeeho ekikaguzo kinu:
-
Habwaki ebigambo ebirukugamba ngu ensi ehanikirwe “nambere hataroho kintu” nibihuniiriza?
Emyaka nka 200 enyuma abantu nubwo bayetegeriize kurungi nambere amaizi g’enjura garuga. Baitu wetegereze Baibuli ekiyagambire emyaka 3,500 enyuma. Musome Yobu 36:27, 28, hanyuma mubazeeho ebikaguzo binu:
-
Notekereza ki ha mulingo Baibuli esoborra omulingo amaizi gagarurwa buhyaka?
-
Ebyahandiikirwe ebiwaruga kusoma nibikuletera kweyongera kwesiga Baibuli?
5. Baibuli ekaranga ebintu ebikuru ebyali nibigenda kubaho
Musome Isaya 44:27–45:2, hanyuma mubazeeho ekikaguzo kinu:
-
Bintu ki Baibuli ebiyarangire emyaka 200 orubuga rwa Baburoni rutakahwerekereziibwe?
Ebyafaayo nibikigumya ngu Omukama Kuro wa Buperesi, n’amahe ge bakasingura orubuga rwa Baburoni nkʼemyaka 540 Yesu atakazairwe. Bakahugura ekisaaru ekyalindaga orubuga. Hanyuma y’okutaaha omu rubuga nibaraba omu miryango ey’ekaba etakingire, bakakwata orubuga batabandize kurwana. N’omu kasumi kanu, hanyuma y’emyaka 2,500 Baburoni matongo. Hati, wetegereze Baibuli ekiyarangire.
Musome Isaya 13:19, 20, hanyuma mubazeeho ekikaguzo kinu:
-
Ebyahikire hali Baburoni nibigumya bita ngu obunabbi bunu bukahikirra?
Amatongo ga Baburoni omu Iraq kasumi kanu
6. Baibuli ekaranga ebintu ebiturukurora omu kasumi kanu
Baibuli ebazaaho obusumi bunu obuturumu ‘nk’ebiro ebya hanyuma.’ (2 Timoseo 3:1) Wetegereze Baibuli ekiyarangire ha biro ebya ha mpero:
Musome Matayo 24:6, 7, hanyuma mubazeeho ekikaguzo kinu:
-
Nyikara ki Baibuli eziyabalizeeho ezakubaireho omu biro ebya ha mpero?
Musome 2 Timoseo 3:1-5, hanyuma mubazeeho ebikaguzo binu:
-
Baibuli ekasoborra ngu abantu baingi baakwetwaize bata omu biro ebya ha mpero?
-
Omu nyetwaza zinu, niziha iwe ez’orukurora?
ABANTU ABAMU BAGAMBA: “Baibuli kitabu ekijwiremu enganikyo kwonka.”
-
Kiki ekikyakizireyo kukugumya ngu tusemeriire kwesiga Baibuli?
OYEGERE KI?
Ebyafaayo, sayansi, hamu n’obunabbi, byona nibyoleka ngu n’osobora kwesiga Baibuli.
Kweijukyamu
-
Ebintu ebirukubazibwaho omu Baibuli bikabaho kwo rundi nganikyo kwoka?
-
Bintu ki ebimu sayansi eby’erukwikiranganiza na Baibuli?
-
Noikiriza ngu Baibuli eranga ebintu ebiraabaho omu kasumi ak’omu maiso? Habwaki?
SERULIIRIZA
Baibuli erumu ebintu ebigwire obukirukuhika ha bya sayansi?
“Baibuli Nikiranganiza na Sayansi?” (Ekicweka kinu kiri ha mukura)
Mananu ki agarukukwata ha ‘biro ebya ha mpero’?
“Obunabbi 6 Kuruga omu Baibuli Obworukurora Nibuhikirizibwa” (Watchtower, eya Maayi 1, 2011)
Manya omulingo obunabbi bwa Baibuli oburukukwata ha bulemi obwa Buyonaani bwahikiriire.
Wetegereze omulingo obunabbi bwa Baibuli bwahindwire entekereza omusaija omu ey’akaba aine ha Baibuli.
