Enyanjura y’Ekicweka 9
Ekicweka kinu nikitwegesa hali abato, banabbi, hamu n’abakama abayolekere okwikiriza okw’amaani omuli Yahwe. Omu ihanga lya Aramu, hakaba harumu omwisiki Omwisareri ayali aine okwikiriza ngu nabbi wa Yahwe akaba n’asobora kukiza Naamani. Nabbi Erisa akaba nayesiga ngu Yahwe naija kumulinda hali abanyanzigwa be. Yehoyada Nyakatagara Omukuru akata obwomeezi bwe omu kabi kusobora kulinda omwana arukwetwa Yoasi hali nyinenkuru Ataliya ow’akaba ali mubi. Omukama Hezekiya akesiga ngu Yahwe naija kucungura Yerusalemu kandi ataikirize Abasura kumutinisiriza. Omukama Yosiya akamaraho okuramya okw’ebisisani, yasemeza yekaru kandi yakonyera n’ihanga lye kugaruka ha kuramya okw’amananu.
OMU KICWEKA KINU
ISOMO 51
Omurwani Hamu n’Omwisiki Omuto
Omwisiki Omwisareri agambira mukama we ebirukukwata ha maani ga Yahwe—ekyarugiriiremu eky’amahano.
ISOMO 52
Ihe lya Yahwe ery’Omurro
Omulingo omuheereza wa nabbi Erisa yaboine nk’oku hali haroho baingi abali nabo.
ISOMO 54
Yahwe Akagumisiriza Yona
Kiki ekyaletiire omu ha banabbi ba Ruhanga kumirwa encu enkooto? Yona akaruga ata omu ncu enkooto? Kandi Yahwe akamwegesa isomo ki?
ISOMO 55
Maraika wa Yahwe Akalinda Hezekiya
Abanyanzigwa ba Yuda bakagamba ngu Yahwe akaba atarukwija kulinda abantu be, baitu bakaba batahikire!
ISOMO 56
Yosiya Yagonzaga Muno Ebiragiro bya Ruhanga
Yosiya akafooka mukama ha myaka munaana kandi yakonyeraga abantu omu ihanga lye kuramya Yahwe.
