Haroho obutabanguko obuleserweho abacwi b’ebiragiro omu Haiti. Haroho obucwi bw’ebiragiro obuleesereho okubonabona omu South Africa, Mexico hamu n’omu mahanga agandi agarukusangwa omu Latin America. N’omu biikaro nambere obutabanguko bukeehere, abantu nibakyayehurra betuntwire kandi bataine bulinzi habwokuba bahurra amakuru agarukukwata ha bucwi bw’ebiragiro nk’obusuma, kusiisa ebintu n’okubyokya.

 Kiki Baibuli eki egamba ha bucwi bw’ebiragiro oburukubaho omu nsi yoona?

 Baibuli ekaranga ngu obucwi bw’ebiragiro kiriba kicweka ky’akokurorraho ‘k’ensi enu okuhwaho.’ (Matayo 24:3) Yesu obu akaba naabazaaho ebintu ebiri kicweka ky’akokurorraho ako, akagamba ati:

•   “Kandi obwemi obwokuba obwingi, okugonza okwabaingi nukwo kulifuka.”—Matayo 24:12.

 Baibuli ekongera yaranga ngu “omu biro bya hanyuma” abantu baliba ‘abatanyina okwetanga, n’abarruma, n’abatagonza oburungi.’ (2 Timoseo 3:1-5) Emiringo nk’egi ey’okwegondeza wenka niyo eretiire obucwi bw’ebiragiro obuturukurora kasumi kanu kweyongera.

 Baitu twine ensonga enungi habwaki twine okunihira. Baibuli eraganiza ngu omu kasumi akatali ka hara obucwi bw’ebiragiro nibwija kuhwaho.

•   “Baitu hasigaireyo akacu kake omubi alihera: ego, olitekereza muno ekiikarokye, baitu talibaho. Baitu abaculezi baligwetwa ensi; balikyanganuka obwobusinge obwingi”—Zabuli 37:10, 11.

 Manya abirukukiraho ha butumwa bwa Baibuli obw’okunihira, n’ensonga habwaki nitukigumya ngu ebintu ebiturukurora kasumi kanu nibihikiiriza obunabbi bwa Baibuli. Wetegereze ebicweka binu.

 “Okunihira Kwonyini okw’Obusumi obw’Omumaiso Oburungi”

 “Akokurorraho ‘ak’Ebiro Ebya ha Mpero,’ rundi ‘Empero y’Obusumi’ Nuko Kaha’?”

 “Baibuli Ekaranga Omulingo Abantu Bakwetwaizeemu n’Omulingo Baakuteekeriize Kasumi Kanu?”