Имандашлар белән бергә булганда, без үзебезне Давыт патша кебек хис итәбез. Ул әйткән: «Кардәшләрнең бердәмлектә яшәве шундый яхшы һәм шундый күңелле!» (Зәбур 133:1). Бердәмлегебез үзеннән-үзе барлыкка килмәгән. Аны булдыруга һәрберебез үз өлешен кертә.

1. Аллаһы халкы нәрсә белән аерылып тора?

Башка бер илдә җыелыш очрашуына килсәгез, сез андагы телне аңламассыздыр да. Ләкин барыбер сез үзегезне өйдәгедәй хис итәрсез. Ни өчен? Чөнки без бөтен җирдә Изге Язмаларны бер үк басмалар буенча өйрәнәбез һәм бер-беребезгә ярату күрсәтергә тырышабыз. Без кайда гына яшәсәк тә, «Йәһвә исемен чакырабыз... һәм аңа бердәмлектә гыйбадәт кылабыз» (Сафуния 3:9, искәрмә).

2. Сез җыелыштагы бердәмлеккә үз өлешегезне ничек кертә аласыз?

«Бер-берегезгә ихлас күңелдән тирән мәхәббәт күрсәтегез» (1 Петер 1:22). Бу киңәшне ничек кулланырга? Башкаларның кимчелекләрен түгел, ә аларның яхшы сыйфатларын күрергә тырышыгыз. Үзегезгә ошаган кешеләр белән генә түгел, ә чыгышлары төрле булган кардәшләр белән аралашыгыз. Берәр кешегә карата тискәре карашыбыз булса, аннан арынырга кирәк. (1 Петер 2:17 укы.) a

3. Җыелышта берәрсе белән каршылык туса, сез нәрсә эшләрсез?

Без, бердәм булсак та, камилсез булып калабыз. Кайвакыт без бер-беребезне күңелсезләндерәбез, я хәтта рәнҗетәбез. Шуңа күрә Аллаһы Сүзендә: «Бер-берегезне ихлас күңелдән кичереп яшәгез»,— диелә, аннары өстәлә: «Йәһвә сезне ихлас күңелдән кичергән кебек, сез дә шулай кичерергә тиеш». (Көләсәйлеләргә 3:13 укы.) Йәһвәне күп тапкырлар рәнҗетсәк тә, ул безне кичерә. Шуңа күрә ул безнең дә кардәшләрне кичерүебезне тели. Берәр кемне рәнҗетсәгез, тоткарланмыйча, хәлне җайга салырга тырышыгыз. (Маттай 5:23, 24 укы.) b

 ТИРӘНРӘК КАЗЫГЫЗ

4. Тискәре карашлардан арыныгыз

Без бар кардәшләрне яратырга телибез. Ләкин безгә үзебездән аерылып торган кеше белән якын аралашу авырдыр. Бу яктан безгә нәрсә ярдәм итәр? Рәсүлләр 10:34, 35 не укыгыз һәм җавап бирегез:

• Йәһвә һәртөрле кешеләрне үз Шаһитләре итеп кабул итә. Бу үзебездән аерылып торган кешеләргә карата карашыбызга ничек тәэсир итәргә тиеш?

• Сез яшәгән җирдә башкаларга карата нинди тискәре карашлар таралган? Ни өчен сез андый карашлардан азат булырга телисез?

2 Көринтлеләргә 6:11—13 не укыгыз һәм җавап бирегез:

• Чыгышлары төрле булган кардәшләр белән якынлашыр өчен, нәрсә эшләргә?

5. Чын күңелдән кичерегез һәм тынычлык булдырыгыз

Йәһвә безне һәрчак ихлас күңелдән кичерә, ә үзе безнең кичерүгә мохтаҗ түгел, чөнки ул безнең алда беркайчан да гаепле булмаячак. Зәбур 86:5 не укыгыз һәм җавап бирегез:

• Бу шигырьдән Йәһвәнең кичерүе турында нәрсә белеп була?

• Ни өчен сез аның кичерүе өчен рәхмәтле?

• Нинди очракларда башкалар белән тату мөнәсәбәтләр саклау авыр булырга мөмкин?

Йәһвәдән үрнәк алып, без кардәшләр белән ничек бердәмлек саклый алабыз? Гыйбрәтле сүзләр 19:11 не укыгыз һәм җавап бирегез:

• Берәрсе ачуыгызны чыгарса я сезне рәнҗетсә, хәлне яхшыртыр өчен, сез нәрсә эшли аласыз?

 Кайвакыт без үзебез башкаларны рәнҗетәбез. Андый хәл була калса, без нәрсә эшләргә тиеш? ВИДЕОРОЛИК карагыз һәм сорауга җавап бирегез.

• Апа-кардәш, тынычлык булдырыр өчен, нәрсә эшләгән?

 ЙОМГАКЛАУ

Кардәшләрегезне кичереп һәм аларга ярату күрсәтеп, сез җыелыштагы бердәмлекне сакларга булыша аласыз.

Кабатлау

• Тискәре карашлардан ничек арынып була?

• Җыелышта берәрсе белән каршылык туса, сез нәрсә эшләрсез?

• Ни өчен сез башкаларны, Йәһвә кебек, кичерергә телисез?