Әйдә, үз абыйсының тормышын коткарган бер егет турында белик. Аның абыйсы рәсүл Пау́л булган. Безгә ул егетнең исеме билгеле түгел, әмма безгә аның кыю булганы билгеле. Синең бу егетнең нәрсә эшләгәнен беләсең киләме?~

Паул Иерусалимда төрмәдә утыра. Аны Гайсә турында вәгазьләгәнгә кулга алганнар. Кайбер явыз кешеләр Паулны нәфрәт итә, шуңа күрә явыз план кора. Алар солдатларга Паулны судка китерергә куша. Гаскәриләр Паулны Кайсария юлыннан алып барганда, шул явыз кешеләр юл кырыенда яшеренеп, Паулга һөҗүм итәргә җыена!

Паул сеңлесенең улы шул кешеләрнең планы турында ишетә. Ул нәрсә эшләр? Ул төрмәгә бара һәм Паулга барысын сөйләп бирә. Паул аңа шундук армия башлыгына барырга һәм явыз план турында хәбәрне тапшырырга куша. Синеңчә, бу егеткә армия башлыгы белән сөйләшү җиңелме?~ Юк, чөнки армия башлыгы — зур хакимлеккә ия кеше. Әмма Паул сеңлесенең улы үзен кыю тота һәм шул кеше белән сөйләшә.

Армия башлыгы нәрсә эшләргә кирәк икәнен белә. Ул Паулны яклар өчен якынча 500 сугышчысын ала! Ул аларга Паулны төнлә Кайсариягә алып китәргә куша. Паул исән каламы?~ Әйе, теге явыз кешеләр аңа һөҗүм итә алмый! Аларның начар планы уңышка ирешми, һәм Паул исән кала.

Паул сеңлесенең улы турындагы өзек сине нәрсәгә өйрәтә?~ Син дә аның кебек кыю була аласың. Башкаларга Йәһвә турында сөйләгәндә, безгә кыю булырга кирәк. Син кыю булып, Йәһвә турында сөйләрсеңме?~ Шул чакта, син, бәлки, берәр кешенең тормышын үлемнән саклап калырсың.