Икенче Ишмуил 23:1—39
23 Давытның азаккы сүзләре:+
«Иша́й улы Давытның сүзе,+Югары куелган кешенең,+Ягъкуб Аллаһысының майланганының,+Исраилдәге ягымлы тавышлы җырчының* сүзләре.+
2 Йәһвә рухы минем аша сөйләде,+Аның сүзе минем телемдә иде.+
3 Исраи́л Аллаһысы,Исраил Кыясы+ миңа болай диде:
„Кешеләр белән идарә итүче тәкъва булса,+Аллаһыга карата курку-хөрмәт күрсәтеп идарә итсә,+
4 Аның идарәсе иртәнге таң яктысыдай,+Аяз иртә шикелле,Яңгырдан соң җир өстен яшел келәмгә төрүчеЯктылык сыман була“.+
5 Минем йортым да Аллаһы алдында шундый түгелме?
Ул бит минем белән җентекле һәм ышанычлыМәңгелек килешү төзеде.+
Бар котылуым һәм бар шатлыгым шуннан гыйбарәт.
Менә шунлыктан ул минем йортымны чәчәк аттыра да!+
6 Ә бөтен юньсез кешеләр чәнечкеле куак кебек алып ташлана,+Аларны кул белән генә алып булмый.
7 Аларга якын килер алдыннан,Кеше тимер корал һәм сөңге белән коралланырга тиеш.
Аларны урыннарында ук тулысынча утта яндырырга кирәк».
8 Менә Давытның гайрәтле сугышчыларының исемнәре:+ хакмунлы Йошиб-бәшибә́т, өчәү арасында баш.+ Бер тапкыр ул сөңгесе белән 800 кешене үтерде.
9 Икенчесе — Ахухи́ улы Доданың+ улы Илгаза́р.+ Берчакны, филистилеләр Исраилгә каршы яу белән чыккач, Давыт белән булган өч гайрәтле сугышчы филистилеләрне үртәде. Илгазар да алар арасында иде. Исраиллеләр чигенә башлады,
10 ә ул үз урынында калып, кулы кылыч тотудан оеп хәлсезләнгәнче, филистилеләрне җиргә егып сала барды.+ Шулай итеп Йәһвә ул көнне бөек җиңү* китерде.+ Халык исә Илгазар артыннан үтерелгәннәрнең әйберләрен салдыра барды.
11 Һәм өченчесе — харарлы Агы́й улы Шамма́х. Филистилеләр Ләһидә, күп ясмык үскән бер кырда бергә җыелгач, халык филистилеләрдән качты.
12 Шунда ул кыр уртасына басты да, аны яклап, филистилеләрне кырып ташлады. Шулай итеп Йәһвә бөек җиңү* китерде.+
13 Урак өсте вакытларында 30 башлыкның өчесе Давыт янына Адулла́м мәгәрәсенә килде.+ Филистилеләр гаскәре исә рефалылар үзәнендә лагерь корып урнашкан иде.+
14 Давыт ул вакытта яшерен урында,+ ә филистилеләрнең каравыл отряды Бәйтлеһемдә иде.
15 Шулчак Давыт, бик нык сусап: «Их, Бәйтлеһе́м капкасы янындагы сулыктан бер генә йотым су эчәсе иде!» — диде.
16 Шунда шушы өч гайрәтле сугышчы филистилеләр лагерена бәреп керделәр дә Бәйтлеһем капкасы янындагы сулыктан Давытка су алып килделәр. Әмма Давыт, судан баш тартып, аны Йәһвә алдында җиргә түкте.+
17 Ул: «И Йәһвә, ничек инде мин бу суны эчим?! Минем өчен үз җаннарын куркыныч астына куйган кешеләрнең канын эчиммени?»+ — диеп, бу суны эчүдән баш тартты. Аның өч гайрәтле сугышчысы менә шундый эшләр кылды.
18 Сәруя́ улы,+ Йоһабның бертуганы Абиша́й+ бүтән өчәү арасында баш иде. Берчакны ул сөңгесе белән 300 кешене үтерде. Абишай теге өч гайрәтле сугышчының данына иреште.+
19 Ул шушы өчәү арасында иң күренеклесе һәм алар өстеннән башлык булса да, беренче өч гайрәтле сугышчының дәрәҗәсенә ирешмәде.
20 Йода́й улы Бина́й+ батыр кеше* иде. Ул Кабсиилдә+ күп каһарманлык кылды. Ул Моабтан булган Әриилнең ике улын үтерде һәм кар яуган көнне, су чокырына төшеп, арысланны үтерде.+
21 Ул шулай ук гаять зур бер мисырлыны да үтерде. Мисырлының кулында сөңгесе булса да, ул аңа каршы таяк белән чыгып, кулыннан сөңгесен тартып алды да шул сөңге белән аның үзен үтерде.
22 Йодай улы Бинай менә шундый эшләр кылды. Ул теге өч гайрәтле сугышчы ирешкән данга ия булды.
23 Теге 30 кешедән күренеклерәк булса да, ул өч гайрәтле сугышчының дәрәҗәсенә ирешмәде. Шулай да Давыт аны үзенең тән сакчысы итеп билгеләде.
24 Асаи́л+ — Йоһабның бертуганы — шул 30 кеше арасында иде. Менә кайбер гайрәтле кешеләрнең исемнәре: Бәйтлеһемнән булган Дода́ улы Илхана́н,+
25 һарудлы Шамма́х, һарудлы Әликә́,
26 фәлетле Хәлә́з,+ тикуалы Икә́ш улы Ира́,+
27 анатутлы+ Абиезе́р,+ хушалы Мәбунна́й,
28 ахухилы Залму́н, нитуфахлы Маһара́й,+
29 нитуфахлы Бахана улы Хәлә́б, биньяминлылар Гибәсеннән Риба́й улы Итта́й,
30 пиратунлы Бина́й,+ Гаһә́ш+ янындагы елга үзәннәре* якларыннан Хидда́й,
31 арабалы Әбелба́н, бахуримлы Азмаби́т,
32 шагалбимле Ильяхба́, Яши́н уллары, Йонафа́н,
33 харарлы Шамма́х, харарлы Шара́р улы Әхья́м,
34 магахлы улы Ахазбайның улы Әлфәли́т, гилолы Ахитафи́л+ улы Илья́м,
35 кармиллы Хизру́, әрәпле Фара́й,
36 Собадан Ната́н улы Игә́л, гәдле Бәни́,
37 амунлы Сәли́к, бәхирутлы Нахара́й, Сәруя улы Йоһабның корал йөртүчесе,
38 ятәрле+ Ира́, ятәрле Гари́ф
39 һәм Хит токымыннан У́ри+ — барлыгы 37 кеше.
Искәрмәләр
^ Яки «Исраиллеләрнең җырларында мактап җырланган кешенең».
^ Яки «коткару».
^ Яки «коткару».
^ Сүзгә-сүз «батыр кешенең улы».