Наһум 1:1—15
1 Нинәвә турында хәбәр.+ Әлкушле Наһу́м* күренеше китабы.
2 Йәһвә — җан-тән белән бирелгәнлекне таләп итүче+ һәм үч алучы Аллаһы.
Йәһвә үч ала һәм ярсуын күрсәтергә әзер.+
Йәһвә үз дошманнарыннан үч алаҺәм аларга каршы үз ярсуын җыя.
3 Йәһвә ярсырга ашыкмый,+ ул бөек кодрәтле,+Ләкин ул тиешле җәзасыз һич тә калдырмас.+
Аның юлы һәлакәтле җил белән давыл эчендә үтә,Һәм болытлар аяклары астындагы тузан кебек.+
4 Ул диңгезне шелтәли+ һәм корыта,Бөтен елгаларны киптерә.+
Баша́н белән Карми́л шиңә,+Ливанның чәчкәләре сула төшә.
5 Аның алдында таулар тетриҺәм калкулыклар эри.+
Аның алдында җир калтырар,Дөнья да, анда бар яшәүчеләр дә калтырап торыр.+
6 Аның ярсуына кем каршы тора алыр?+
Һәм ялкынлы ачуыннан кем егылмас?+
Аның ярсуы уттай ыргылыр,Аның алдында кыялар җимерелеп төшәр.
7 Йәһвә игелекле.+ Ул — кайгы-хәсрәт көнендә ныгытма.+
Үзендә сыеныч эзләүчеләрне ул хәтерендә тота.*+
8 Ул Нинәвәне* һәлакәтле туфанда тулысынча юк итәр,Һәм Аның дошманнарын караңгылык эзәрлекләр.
9 Сез Йәһвәгә каршы нинди ният корырсыз?
Ул тулысынча җимерә.
Кайгы-хәсрәт инде кабатланмас.+
10 Чөнки алар чәнечкеле үсемлекләр үрелгәндәй үрелгән,Алар сыра* эчеп исергәннәргә охшаш.
Шулай да алар коры салам шикелле юк ителер.
11 Синнән, буш киңәш биреп,Йәһвәгә каршы явыз ниятләр коручы чыгар.
12 Йәһвә болай ди:
«Алар бик көчле һәм күпсанлы булса да,Юк ителер һәм юкка чыгар.*
Мин сиңа* җәза бирдем, әмма бүтән җәзаламам.
13 Ассирия* сиңа кидергән камытны сындырырмын,+Богауларыңны өзеп ташлармын.
14 Синең* турында Йәһвә мондый әмер бирде:
„Бүтән синең исемеңне йөртүче нәсел булмас.
Мин кисеп ясалган сурәтләрне һәм коеп ясалган* сыннарны илаһларыңның йортларыннан* юк итәрмен.
Синең өчен кабер ясармын, чөнки син кабахәт нәрсә“.
15 Менә таулар буйлап яхшы хәбәрне җиткерүче,Тынычлыкны игълан итүче килә!+
Үз бәйрәмнәреңне үткәр,+ и Яһүд, үз антларыңны үтә,Чөнки юньсез кеше инде беркайчан да синең аша үтмәс.
Ул тулысынча юк ителер».
Искәрмәләр
^ Мәгъ. «юатучы».
^ Яки «кайгырта». Сүзгә-сүз «белә».
^ Сүзгә-сүз «аның җирен».
^ Яки «бодай сырасы».
^ Я, бәлки, «һәм ул алар аша үтәр».
^ Ягъни Яһүдкә.
^ Сүзгә-сүз «Аның».
^ Ягъни Ассирия.
^ Яки «металл».
^ Яки «храмнарыннан».