Зәбур 16:1—11
Давытның миктамы.*
16 Якла мине, Аллаһым, чөнки мин синдә сыеныч таптым.+
2 Мин Йәһвәгә: «Син — Йәһвә, минем игелек чишмәсе,— дидем.—
3 Һәм җирдәге изгеләр,Күренеклеләр, миңа зур шатлык китерә».+
4 Башка илаһларга ияргән кешеләр үз хәсрәтләрен арттыра.+
Мин беркайчан да аларның канлы шәраб бүләкләрен китермәм,Аларның* исемнәрен дә телгә алмам.+
5 Йәһвә — минем мирасым, миңа тигән өлешем+ һәм тулы касәм минем.+
Син минем мирасымны саклыйсың.
6 Күркәм урыннар миңа үлчәп бирелде.
Әйе, мин үз мирасыма шөкер итәм.+
7 Миңа киңәш биргән Йәһвәне мактармын мин.+
Төнлә дә яшерен уйларым* мине төзәтә.+
8 Йәһвә гел минем каршымда.+
Мин һичкайчан какшамам, чөнки ул минем уң ягымда.+
9 Шунлыктан минем күңелем куана, бөтен җаным* шатлана.
Һәм мин иминлектә яшим.*
10 Чөнки син җанымны Кабердә* калдырмассың.+
Син үз тугрыңа гүрне күрергә* бирмәссең.+
11 Син миңа тормыш сукмагын белдерәсең.+
Син барында* — шатлыкка күмеләм,+Синең уң ягыңда булу — һич бетмәс бәхет* ул.
Искәрмәләр
^ Ягъни ялган илаһларның.
^ Яки «иң тирән хис-тойгыларым». Сүзгә-сүз «бөерләрем».
^ Сүзгә-сүз «минем даным».
^ Яки «тәнем иминлектә яши».
^ Я, бәлки, «черергә».
^ Яки «миңа илтифат белән күз салганда».
^ Яки «рәхәтлек».