Әйе. Аллаһы үз ихтыярына туры килгән нәрсәләр турында чын күңелдән сораучыларның догаларына җавап бирә. Бәлки, сезнең дога кылганыгыз юктыр, алайса Изге Язмалардан алынган мисаллар сезгә булышыр. Анда искә алынган кеше Аллаһыдан ярдәм сорап дога кылган:

•   «Әй Ходай, Аллам, миңа ярдәм ит; мәрхәмәтең хакына мине коткар» (Мәдхия 108:264).

•   «Мин ярлы, мин мескен, әмма Ходай... Син — ярдәмчем минем» (Мәдхия 39:18).

 Әлбәттә, бу сүзләрне язган кеше — нык иманлы кеше булган. Ләкин Аллаһы «йөрәкләре горур булмаган», «рухлары юаш булган» кешеләрне — дөрес караш белән дога кылучыларны тыңлый (Мәдхия 33:19).

 «Аллаһы миннән ерак һәм минем турында уйлап та бирми»,— дип уйламагыз. Изге Язмаларда: «Ходай югары, һәм юашны да күрә, ә тәкәбберләрне ерактан таный»,— дип әйтелә (Мәдхия 137:6). Гайсә пәйгамбәр үз шәкертләренә бер тапкыр: «Ә сезнең башыгыздагы һәр чәч бөртеге дә саналган бит»,— дигән булган (Маттай 10:30). Аллаһы хәтта сез уйлап та бирмәгән якларыгызга игътибар итеп тора. Ә инде аңа үз борчылуларыгызны сөйләп бирсәгез, ул, һичшиксез, сезне тыңлаячак! (1 Петер 5:7).