Va engenheiro va mareboti va yentxa reboti leli nga pfunaka vadotori ku yentxa ma operação ka tindhawu ta titsongo ta mirhi wa vanhu. Lexi xi va pfunaka ka leswo i ku tekelela voko kumbe tentáculo la polvo leli petsekaka hi ku wolova.

 Kambisisa leswi landzelaka: A polvo li ni 8 wa mavoko lawa ma petsekaka hi ku wolova ma tlhela ma kota ku tiyandlala, li tirhisa mavoko wolawo swaku li khoma minchumu ni ku yi manya hambi ka tindhawu ta titsongo, hambileswi polvo li nga petsaka mavoko ya lona ka matlhelo hinkwawu la swi kota ku ma tiyisa loko swi laveka.

 Tintivi ti kholwa swaku loko ko va ni voko la reboti leli kotaka ku tipetsa li tlhela li wolova ku fana ni voko la polvo swi nga koteka ku yentxa ma operação ka tindhawu ta titsongo ta mirhi wa munhu. Voko leli la reboti a li ta yentxa swaku vanhu va nga hlupheki hintamu loko va yentxiwa ma operação.

 Vona leswi mavoko ya polvo ma tirhisaka xiswona

 Voko la reboti se li kona naswona la tirhisiwa swaku ku ringetiwa hu hamba ma operação. Voko leli li ni 135 milimetros, tlhelo lin’we la voko leli li nga kota ku timexa li tlhela li khoma minchumu ya le ndzeni ka munhu na li nga yi wonhanga se lelin’wana li yentxa operação. Dotori Tommaso Ranzani mun’we wa lava va nga yentxa voko leli la reboti a te: “Ha kholwa swaku voko leli o va masungulu ntsena, ka ha ta va ni man’wana ya ku yampsa ku tlula lona.”

 U swi vonisa ku yini? A voko la polvo li yo tiyentxekela? Kumbe li yo yentxiwa?