A Bibeleni hi djondza hi vanhu lava avali ni matitwela yofana ni ya hina. (Yak. 5:17) Hi xikombiso, hingahaswi twisisa hi kuvevuka leswi Pawulo angaswi vula ka Varhoma 7:21-24, loko a ku: ‘Loko ninavela kuyendla leswolulama, leswobiha naswona swikona ka mina. . . .Yo! Mina munhu wa khombo lerikulu!’. Loko hi lwisana ni kukala kuhetiseka ka hina, swahi chavelela kuvona leswaku vanhu va kutshembeka va kufana na Pawulo na vona ava titwa kufana na hina.

Ka Vagalatiya 2:20, Pawulo a phofule matitwela man’wana lama kombisaka leswaku a akholwiseka ka leswaku Yesu wamu rhandza. Yena a te: “[I Yesu] N’wana wa Xikwembu lweyi anirhandzeke, ava atinyiketa hikolaho ka mina.” Kungava leswaku na wena u titwisa xileswo? Kumbexana minkama yin’wana.

Loko hi titwa na hinga pfuni nchumu hi mhaka swihoxo hinga tshama hiswi yendla malembe ndzhaku, swingahi tikela kukholwa leswaku Yehovha wahi rhandza naswona se ahi rivalelile. Handle ka leswo, swingahi tikela kuvona gandzelo la Yesu tani hi xihiwa kumbe nyiko. Ingava leswaku Yesu a lava hili vonisa xileswo gandzelo la yena? Loko swili xileswo, hinga yendla yini leswaku hi vona nkutsulu tani hi xihiwa? Ahi kambisiseni swivutiso leswimbirhi.

Yesu a lava leswaku hinkwerhu ka hina hi vona nkutsulo tani hi xihiwa lexi yisiwaka ka mun’wana ni mun’wana wa hina. I yini lexihi kholwisaka ka leswo? Pimisa hi xiyendlakalo lexinga tsaliwa ka Luka 23:39-43. Yendla ingi wamu vona wanuna lweyi anga hayekiwa amhandzini kusuhi na Yesu, na ali karhi a pfumela swaku a djohile. Phela akuza a hayekiwa amhandzini, switikomba ingaku xidjoho xa kona axili xikulu swinene hikusa nkameni wa Yesu, i swigevenga leswi aswini minandzu ya yikulu ntsena leswi aswi dlayiwa hi kuhayekiwa amhandzini. Hikolaho ka kutwa kuvava a kombele Yesu aku: “Nitsundzuke, loko ufika Mfun’wini wa wena.”

Impsini leswi Yesu angaswi yendla? Pimisa hi kuvava loku Yesu a akutwa loko a ndzuluta nhamu a cuvuka xighevenga lexiya. Hambi leswi a atwa kuvava, a axi mbonyozelile ivi axi tiyisa a ku: “Nitiyisile namuntlha nili eka wena, utava na mina aparadeyisini.” Yesu a atave akhumbuze wanuna lwiyani leswaku ‘N’wana wa Munhu atele . . .  kunyiketa vutomi bya yena kuponisa lavotala.’ (Mat. 20:28) Kambe matshan’wini ya leswo, hi lirhandzu akombise swaku a afela xona hi kukongoma. Yesu a avulavula hi ndlela ya xinghana loko a tirhisa marito ya kufana ni lamange “mina” na “wena”, naswona a byele wanuna lwiya leswaku a atava kona a paradeyisini laha misaveni.

Aswi kanakanisi leswaku Yesu a alava wanuna lwiya a tiyiseka leswaku na yena a ata vuyeliwa hi nkutsulo lowu. Leswi Yesu a tweleke wusiwana xighevenga lexi xa ku axi zanga xi tirhele Xikwembu, u pimisa leswaku ati twisa kuyini hi Vakreste lava va tirhelaka Xikwembu? Impsini leswingahi pfunaka akuva hi kholwa leswaku a nkutsulo wa Yesu hikakunene wu vuyelisa hina hi kukongoma, hambi leswi hinga tshama hi djoha?

Leswi Yesu a nyikeke Pawulo xiyavelo xa kuchumayela, avhele aswi twisisa swaku Yesu a a fela yena  hikukongoma. Hi mhaka muni hi vula leswo? Yena a te: “Nikhensa lweyi aninyikeke matimba yotirha ntirho lowu, Hosi ya hina, Kriste Yesu; hikuva anivonile na nili lweyi atshembekeke, hi kuniveka ntirhweni wa yena, hambilesvi khale nitshamaka nimusandza, ni kumuxanisa, ni kumupfukela.” (1 Tim. 1:12-14) Leswi Yesu anga nyika Pawulo xiyavelo lexi, hambileswi a atshame a yendla swilo swotala swobiha, leswo swimu yendle a kholwa swaku Yesu a amu rhandza, a amu tshemba ni kumu twela wusiwana. Hi kufanana, Yesu a nyike mun’wana ni mun’wana wa hina ntirho wa kuchumayela mahungu yotsakisa. (Mat. 28:19, 20) Xiyavelo lexi xihi yendla hi twisisa leswaku Yesu a fele hina hi kukongoma.

Alberto, lweyi anga tlhelela bandleni ndzhaku ka loko a hete 34 wa malembe na a susiwile, a te: “Aningeswi rivali swidjoho leswi ningaswi yendla malembe lama hundzeke. Kambe loko nili ntirhweni wochumayela ni titwawa kufana na mupostola Pawulo, hi leswi na mina Yesu angani nyika ntirho wochumayela. Swini yendla ni tsaka swinene, naswona ni ni langutelo lelinene hi wumunhu la mina, wutomi la mina ni hi wumundzuku la mina.” — Pis. 51:3.

Allan, lweyi loko angase djondza ntiyiso a ali xigevenga lexi kulu naswona a ali munhu wa tihanyi a te: “Nahali khumbuka wubihi hinkwalo ningali yendlela vanhu. Minkama yin’wana swini yendla ni karhateka amoyeni wa mina. Kambe ni khensa Yehovha hileswi anga pfumelela mudjohi wa kufana na mina leswaku a chumayela van’wana mahungu yotsakisa. Loko ni vona ndlela leyi vanhu va yangulaka hi yona loko va chumayeliwa, swini yendla ni khumbuka lirhandzu ni wunene la Yehovha. Ni titwa nani tirhisiwa hi Yehovha leswaku ni pfuna vanhu van’wana lava na vona ava hanya hi swilo swa kubiha.”

Loko hili ka ntirho wochumayela hi va hi yendla swilo leswinene naswona leswo swihi yendla hi pimisa hi swilo leswinene. Leswo swihi yendla hi tiyiseka leswaku Yesu wahi rhandza, wahi tshemba naswona wahi twela wusiwana.

Loko haha hanya ka misava leyi fumiwaka hi Sathana, haha tatwa kuvava hi mhaka swidjoho leswi hiswi yendleke nkameni lowu hundzeke. I yini leswingatahi pfuna kulwisana ni matitwela wolawo?

Jean lweyi a tshamelaka kutisola hi leswi a nkama ahali mutsongo a ativiwa hi kuyendla swilo swa swinene abandleni ni le kaya kambe a atikhoma hi ndlela yobiha loko ali ka tindhawu tin’wana, a te: “Ni tsakisiwa hi leswi ‘Yehovha anga mukulu kutlula timbilu ta hina’”. (1 Yoh. 3:19, 20) Kufana na Jean, hinga titwa kahle hi kutiva leswaku Yehovha na Yesu vaswi twisisa leswaku hi vadjohi. Khumbuka leswaku lunghiselelo la nkutsulo leli vali yendleke hi lirhandzu avangali yendleli vanhu lava hetisekeke kambe avali yendlela vanhu lava va tisolaka ka swidjoho swa vona. — 1 Tim. 1:15.

Loko hi yakakanyisisa swinene hi leswi Yesu ava khomiseke xiswona vanhu vokala kuhetiseka, ni loko hi yendla hinkwaswo leswi hingaswi kotaka leswaku hi hetisisa ntirho lowu ahi nyikeke wona, hinga tiyiseka hi leswaku a nkutsulo wu tirha ka hina hi kukongoma. Hi kuyendla leswo, kufana na Pawulo, hita kota kuvula hi ku: “[I Yesu] . . . lweyi anirhandzeke, ava atinyiketa hikolaho ka mina.”