Xikwembu xi rhandza vanhu hinkwavu naswona xi lava ku va katekisa.

Xikwembu xi tshembise muprofeta Abrahamu swaku “mindjangu hinkwayu amisaveni yi ta katekisiwa hi mhaka ya wena.”  — Genesa 12:3.

Hi djondza yini? Xikwembu xi hi rhandza hintamu naswona xi lava ku katekisa vanhu hinkwavu lava va xi yingisaka.

Xikwembu xi ni timpsalu funtshi xi lava ku katekisa vanhu hinkwavu lava va xi tivaka.

Xikwembu xi nyike muprofeta Moxe matimba ya ku yentxa masingita. Kambe Moxe a khongele a ku: “Ni tivisi tindlela ta wena, leswaku ni ta ku tiva ni ku ya mahlweni ni tsakeliwa a matihlweni ya wena.” (Eksoda 33:13) Xikwembu xi tsakile hi leswi Moxe a nga swi kombela naswona xi mu katekisile hi ku mu yengesela wutivi xi tlhela xi mu yentxa a twisisa wumunhu la Xona. Hi xikombiso, Moxe a djondze swaku Yehovha i “Xikwembu xa timpsalu ni ntwelawusiwana”. — Eksoda 34:6, 7.

Hi djondza yini? Hi djondza swaku Xikwembu xi lava ku katekisa vanhu hinkwavu lava va lavaka ku xi tiva. Xi tirhisa Bibele swaku xi hi byela leswi hi nga xi tirhelisaka xi swona, xi tlhela xi hi byela swaku xa hi rhandza naswona xi lava ku hi katekisa.

Hi ta katekisiwa hi Xikwembu loko hi djondza hi leswi Yesu a nga swi yentxa ni leswi a nga swi djondzisa.

Hi nga djondza swa swinyingi hi wutomi la Yesu ni leswi a nga swi djondzisa ka Bibele. Xikwembu xi nyike Yesu matimba ya ku yentxa masingita, ya ku fana ni ya ku hanyisa va ku fa matihlo, va ku fa tindleve ni va ku limala. Naswona a tlhele a pfuxa ni vanhu va ku fa; leswi Yesu a nga swi yentxa swi kombisa minkateko leyi Xikwembu xi nga ta nyika vanhu hinkwavu ka nkama lowu taka. Yesu a tlhamusele swaku hi nga yi kumisa ku yini minkateko leyo, loko a ku: ‘Kambe wutomi lelingaheliki, hi leswaku vakutiva, wena ntsena unga Xikwembu xa ntiyiso, na Yesu Kriste lweyi umurhumeke.’ — Yohane 17:3.

Yesu a a ni ntwelawusiwana, wunene ni timpsalu. Vanhu hinkwavu a va ya ka yena hi leswi a nga va byela a ku: ‘Djondzani ka mina, hikuva ni ni mbilu yorhula ni ya timpsalu; kutani . . . , mitakuma kuwisisiwa’. (Matewu 11:29) Ku hambana ni vanhu va minkameni ya yena lava a va nga va hloniphi vavasati, Yesu a a va hlonipha vavasati.

Hi djondza yini? Yesu a a va rhandza hintamu vanhu naswona a hi vekele xikombiso xa leswi hi faneleke hi swi yentxa swaku hi hanyisana ni van’wana.

Matsalwa ma djondzisa swaku “ku ni Xikwembu xin’we ntsena” naswona Yesu Kreste a a rhumiwe hi xona. (1 Vakorinto 8:6) Yesu a vule leswaku Xikwembu i xikulu ka yena naswona hi xona xi nga mu rhuma lani misaveni. — Yohane 11:41, 42; 14:28. *