Lerha Yeremiya 38:1-13 swaku u vona leswi nga pfuna muprofeta Yeremiya na Ebedimeleki lweyi a a li mutheniwa kuva va nga chavi nchumu.

Kambela mhaka hinkwayu. Hi mhaka muni swi lave swaku Yeremiya a nga chavi leswaku a chumayela rungula la Yehovha? (Yer. 27:12-14; 28:15-17; 37:6-10) A vanhu va yendle yini nkama lowu va nga twa leswi Yeremiya a a swi chumayela? — Yer. 37:15, 16.

Nghena ndzenindzeni ka mhaka. A ku li xini xikarhatu xa Yeremiya? (Yeremiya-TS mapaj. 26-27 mapar. 20-22) Kambela leswi swihlovo swa khale a swi tshamise xiswona. (Perspicaz vol. 1 mapaj. 499-500) Tivutisi: Yeremiya a a titwisa ku yini nkama lowu a a li ndzeni ka xihlovo lexi a xi tale hi madaka? Swi nga yendleka Ebedimeleki a a chava yini nkama lowu a nga pfuna Yeremiya? — Murindzi-TS 01/05/12 paj. 31 mapar. 2-3.

Pimisa hi leswi u nga swi djondza. Tivutisi:

• ‘Mhaka leyi yi ni djondzisa yini hi ndlela leyi Yehovha a va vhikelaka hi yona vanhu va yena?’ (Ps. 97:10; Yer. 39:15-18)

• ‘I ka swiyimu swini lani swi nga ta lava ni tiya nhlana?’

• ‘Ni nga yendla yini swaku ni tama ni yendla swaswinene hambiloko va ni chavisela?’ (Murindzi-TS 01/03/11 paj. 30) a