DJONDZO 41
Bibele Li Li Yini Hi Ku Famba Masangu?
Vanhu va vanyingi swa va karhatela ku vulavula hi swa masangu. Kambe Bibele a li djikadjiki loko li khuluma hi mhaka leyi, naswona li swi vula hi ndlela ya ku hlonipheka. Leswi li swi vulaka swa hi pfuna. Leswo swa twala hikusa Yehovha hi yena a nga hi yentxa naswona wa swi tiva leswi swi nga swinene ka hina. Yena a hi byela leswi hi faneleke hi swi yentxa leswaku hi mu tsakisa ni leswi swi nga ta hi pfuna ku hanya wutomi la ku kala li nga heli na hi tsakile.
1. Yehovha a li yini hi ku famba masangu?
Ku famba masangu i nyiko ya yinene leyi Yehovha a nga yi nyika vanhu. A lava swaku nuna na nsati lava va nga chada va tsaka hi ku famba masangu. Nyiko leyi yi yentxa leswaku lava va nga chada va va ni vana va tlhela va kombisana lirhandzu. Hi mhaka leyo, Bibele li li: “Tsaka hi nsati wa wujovhem la wena.” (Swivuriso 5:18, 19) Yehovha a lava swaku Vakreste lava va nga chada va tshembeka ka lava va nga chada na vona, loko va yentxa leswo a va nge mbuyeti. — Lerha Vaheberu 13:4.
2. I yini wutunga la swa masangu?
Bibele li hi byela swaku lava yentxaka wutunga la “swa masangu . . . a va nge dli tshomba la Mfumu wa Xikwembu.” (1 Vakorinto 6:9, 10) Vatsali va Bibele lava va nga tsala hi Xigriki va tirhise rito leli nge por·neiʹa swaku va tlhamusela wutunga la swa masangu. Rito leli li patsa 1) vanhu vambirhi lava fambaka masangu na va nga chadanga xikan’we a, 2) vavanuna lava fambaka masangu ni vavanuna van’wana kumbe vavasati lava fambaka masangu ni vavasati van’wana ni 3) ku famba masangu ni swiharhi. Loko hi baleka wutunga la swa masangu hi tsakisa Yehovha hi tlhela hi pfuneka. — 1 Vatesalonika 4:3.
DJONDZA SWIN’WANA
Vona swaku u nga swi kotisa ku yini ku baleka wutunga la swa masangu ni swaku u nga pfunekisa ku yini hi ku tshama na u basile ka mahanyelo ya wena.
3. Baleka wutunga la swa masangu
Wanuna wa ku tshembeka lweyi a vitaniwaka Yosefa a swi kotile ku baleka wutunga la swa masangu. Lerhani Genesa 39:1-12, mi gama mi bula hi swivutiso leswi landzelaka:
-
Hi mhaka muni Yosefa a balekile? — Vona ndzimana 9.
-
U pimisa swaku Yosefa a yentxe xiboho xa xinene? Hi mhaka muni u vula leswo?
Majovhem ma nga mu tekelelisa ku yini Yosefa hi ku baleka wutunga la swa masangu? Sixtirani VHIDIYO.
Yehovha a lava leswaku hi fambela kule ni wutunga la swa masangu. Lerhani 1 Vakorinto 6:18, mi gama mi bula hi swivutiso leswi landzelaka:
-
Hi swini swiyimu swi nga yentxaka munhu a yentxa wutunga la swa masangu?
-
U nga li balekisa ku yini wutunga la swa masangu?
4. U nga swi kota ku hlula mindzingo
Hi mhaka muni swi nga ha karhataka ku baleka wutunga la swa masangu? Sixtirani VHIDIYO, mi gama mi bula hi xivutiso lexi landzelaka.
-
Makwerhu lweyi a nga kombisiwa ka vhidiyo a yentxe yini nkama a nga vona swaku leswi a a swi yentxa ni leswi a a swi pimisa a swi ta mu yentxa a nga tshembeki ka nsati wa yena?
Minkama yin’wana hambi Vakreste va ku tshembeka swi lava va tikarhata swaku va va ni mimpimiso leyi baseke. I mpsini swi nga ku pfunaka ku kala u nga tshameli ku pimisa minchumu ya ku biha? Lerhani Vafilipiya 4:8, mi gama mi bula hi swivutiso leswi landzelaka:
-
Hi fanele hi pimisa hi minchumu ya ku tshamisa ku yini?
-
Ku lerha Bibele ni ku tshama na hi ni swa ku swi yentxa ka ntirho wa Yehovha swi nga hi pfunisa ku yini ku kala hi nga djohi?
5. Minawu ya Yehovha ya hi pfuna
Yehovha wa swi tiva leswi swi nga swinene ka hina. Yena a hi byela swaku hi nga yentxa yini kuva hi tshama na hi basile ka mahanyelo ya hina, a tlhela a hi byela ni leswi hi nga pfunekisaka xiswona hi ku yentxa leswo. Lerhani Swivuriso 7:7-27 kumbe sixtirani VHIDIYO, mi gama mi bula hi swivutiso leswi landzelaka.
-
Jovhem leli kombisiwaka ka buku ya Swivuriso li tipetise ku yini ka ndzingo? — Vona Swivuriso 7:8, 9.
-
Hi ku ya hi Swivuriso 7:23, 26, ku yentxa wutunga la swa masangu swi nga hi tisela swikarhatu. Hi swini swikarhatu leswi hi nga ta fambela kule na swona loko hi tshama na hi basile ka mahanyelo ya hina?
-
Ku tshama na hi basile ka mahanyelo ya hina swi nga hi pfunisa ku yini ku kuma wutomi la ku kala li nga heli?
Bibele li vula swaku vavanuna a va fanelanga va famba masangu hi xivona naswona vavasati a va fanelanga va famba masangu hi xivona kambe vanhu van’wana va vula swaku leswi Bibele li swi vulaka a swi kombisi lirhandzu. Kambe Yehovha i Xikwembu xa lirhandzu naswona a lava swaku vanhu hinkwavu va hanya wutomi la ku kala li nga heli na va tsakile. Swaku hi kuma wutomi la ku kala li nga heli hi fanele hi yingisa minawu ya yena. Lerhani 1 Vakorinto 6:9-11, mi gama mi bula hi xivutiso lexi landzelaka:
-
Ku nga va swaku ka Xikwembu vavanuna lava fambaka masangu ni vavanuna, ni vavasati lava fambaka masangu ni vavasati hi vona ntsena va djohaka?
Leswaku hi tsakisa Xikwembu hinkwerhu hi fanele hi txintxa minchumu ka mahanyelo ya hina. Swa pfuna ku tikarhata swaku hi txintxa? Lerhani Tipisalema 19:8, 11, mi gama mi bula hi swivutiso leswi landzelaka:
-
U vona swaku minawu ya Yehovha ya mahanyelo ya karhata ku yi yingisa? Hi mhaka muni u vula leswo?
Yehovha a pfune vanhu va vanyingi swaku va yingisa minawu ya yena. Na wena a nga ku pfuna
VAN’WANA VA LI: “A swi bihanga kuva munhu a famba masangu ni munhu mun’wana ni mun’wana lweyi a mu lavaka xa lisima i kuva va rhandzana ntsena.”
-
A wu ta ku yini loko munhu a vula leswo?
LESWI HI NGA SWI DJONDZA
Ku famba masangu i nyiko leyi Yehovha a nga yi nyika vanhu vambirhi lava nga chada swaku va tsaka.
Ku kambela leswi hi nga swi djondza
-
I yini wutunga la swa masangu?
-
I mpsini swi nga hi pfunaka ku kala hi nga yentxi wutunga la swa masangu?
-
Hi pfunekisa ku yini loko hi landza minawu ya Yehovha ya mahanyelo?
LOKO U LAVA KU TIVA SWIN’WANA
Vona swaku hi mhaka muni Xikwembu xi lava swaku wanuna ni wansati lava va lavaka ku hanya xikan’we va chada.
Vona swaku ku va Bibele li djondzisa leswaku vavanuna a va fanelanga va famba masangu hi xivona ni swaku vavasati a va fanelanga va famba masangu hi xivona, a swi vuli swaku hi fanele hi va nyenya lava va swi yentxaka.
Vona swaku minawu ya Yehovha mayelana ni masangu yi hi vhikelisa ku yini.
Leswaku u vona leswi swi nga pfuna wanuna mun’wana lweyi a a famba masangu ni vavanuna van’wana vona nhlokomhaka leyi nge: “Ti Ndzi Kombise Xichavo.”
“Bibele Yi Hundzula Vutomi Bya Vanhu” (Murindzi wa 1 ka Abril wa 2011 hi Xitsonga)
a Leswo swi patsa ku famba masangu hi ku kongoma, ku famba masangu hi nomo, ku famba masangu hi le ndzhaku ni ku titsakisa hi ku khomakhoma swirho swa ku famba masangu swa munhu mun’wana.
