DJONDZO 21

Mahungu Ya Ku Tsakisa Ma Chumayelisiwa Ku Yini?

CHAYA

A ku choti kule swaku Yehovha a tirhisa Mfumu wa yena leswaku a helisa swikarhatu hinkwaswu swa vanhu. Mahungu lawa ma tsakisa hintamu lakakuva vanhu hinkwavu va fanele va ma tiva. Yesu a a lava swaku valandzeli va yena va byela vanhu hinkwavu mahungu lawa ya ku tsakisa. (Matewu 28:19, 20) Timboni ta Yehovha ti swi yentxisa ku yini leswo?

1. Marito ya Matewu 24:14 ma hetisekisa ku yini namuntlha?

Yesu a profete a ku: “Mahungu lawa ya ku tsakisa ya Mfumu ma ta chumayeliwa amisaveni hinkwayu”. (Matewu 24:14) Timboni ta Yehovha ta tsaka hi ku yentxa ntirho lowu wa lisima. Hi chumayela mahungu ya ku tsakisa amisaveni hinkwayu hi tirimi ta ku tlula 1.000. Ntirho lowu wa wukulu hintamu wu lava nkama ni ntamu naswona wu fanele wu va organizado. A hi nga ta wu kota loko a hi nga pfuniwi hi Yehovha.

2. Hi yini minzamu leyi hi yi yentxaka swaku hi chumayela vanhu?

Hi chumayela hinkwaku lomu hi nga kumaka vanhu. Ku fana ni Vakreste va nkama wa vapostolo, hi chumayela “hi yindlo ni yindlo.” (Mintirho 5:42) Ku chumayelisa xileswo swi hi pfuna ku kuma vanhu va vanyingi hintamu lembe ni lembe. Kambe leswi minkama yin’wana hi kalaka hi nga va kumi makaya, hi tlhela hi chumayela ni ka tindhawu tin’wana leti ku nga ni vanhu va vanyingi. Minkama hinkwayu hi tshama na hi lunghekile swaku hi byela vanhu hi Yehovha ni leswi a lavaka ku hi yentxela swona.

3. I vamani va faneleke va chumayela mahungu ya ku tsakisa?

Vakreste hinkwavu va ntiyiso va fanele va chumayela mahungu ya ku tsakisa ka vanhu van’wana. Ntirho lowu i wa lisima hintamu ka hina, hikusa ha swi tiva swaku leswo swi nga ponisa wutomi la vanhu. (Lerha 1 Timotiyu 4: 16.) A hi hakeliwi hi ntirho lowu hi wu yentxaka, hikusa Bibele li li: “Mi nyikiwe mahala, na n’wina nyikani mahala.” (Matewu 10:7, 8) A hi vanhu hinkwavu va pfumelaka leswi hi swi chumayelaka, kambe hi tama hi chumayela hikusa hi ku yentxa leswo hi yingisa Yehovha hi tlhela hi mu tsakisa.

DJONDZA SWIN’WANA

Djondza swin’wana hi leswi Timboni ta Yehovha ti chumayelisaka xiswona, ni leswi Yehovha a ti pfunisaka xiswona.

Ntirho wa ku chumayela amisaveni hinkwayu: A) Costa Rica, B) Estados Unidos, C) Benin, D) Tailândia, E) Yap, F) Suécia

4. Hi yentxa minzamu swaku hi chumayela vanhu hinkwavu

Timboni ta Yehovha ti yentxa hinkwaswu swaku ti kota ku chumayela mahungu ya ku tsakisa ka tindhawu hinkwatu. Sixtirani VHIDIYO, mi gama mi bula hi xivutiso lexi landzelaka.

VHIDIYO: Kuchumayela “Andhawini ya le kule swinene ya Misava” (7:33)

I mpsini leswi swi ku tsakisaka ka leswi Timboni ta Yehovha ti swi yentxaka swaku ti chumayela?

Lerhani Matewu 22:39 na Varoma 10:13-15, mi gama mi bula hi swivutiso leswi landzelaka:

Ntirho wa hina wa ku chumayela wu swi kombisisa ku yini swaku ha va rhandza vanhu van’wana?
Yehovha a titwisa ku yini hi lava va chumayelaka mahungu ya ku tsakisa? — Vona ndzimana 15.

5. Hi tirha ni Xikwembu

Ku ni swiperiyensiya swa swinyingi leswi swi kombisaka swaku Yehovha hi yena a kongomisaka ntirho wa hina. Hi xikombiso, aNova Zelândia, makwerhu Paul, siku lin’wana ninhlikanhi na a chumayela hi munti ni munti a kume wansati mun’wana lweyi a a khongele ka Xikwembu hi ku tirhisa vito la xona ku nga Yehovha nimixo a kombela swaku ku ya munhu a ya mu pfuna ku tiva Xikwembu. Paul a li: “Loko se ku hundze mawora manharhu na se a khongelile ni fike kaya ka yena na ni li ka ntirho wa ku chumayela.”

Lerhani 1 Vakorinto 3:9, mi gama mi bula hi xivutiso lexi landzelaka:

Xiperiyensiya xa ku fana ni lexi nga yentxeka aNova Zelândia xi swi kombisisa ku yini swaku i Yehovha lweyi a kongomisaka ntirho wa ku chumayela?

Lerhani Mintirho 1:8, mi gama mi bula hi xivutiso lexi landzelaka:

Hi mhaka muni hi lava ku pfuniwa hi Yehovha swaku hi yentxa ntirho wa ku chumayela?

Indje a wu swi tiva?

Vhiki ni vhiki, ka mintlhanganu ya hina ya xikarhi ka vhiki hi djondzisiwa leswi hi nga va chumayelisaka xiswona vanhu. U tshama u ya ka mintlhanganu leyi? U swi vonise ku yini leswi swi djondzisiwaka?

6. Hi yingisa nawu wa Xikwembu wa ku chumayela

Ka minkama ya vapostolo, vanhu lava a va nga wu rhandzi ntirho wa ku chumayela va zame ku yentxa swaku valandzeli va Yesu va tshika ku chumayela. Kambe Vakreste va lwele mfanelo ya vona ya ku chumayela ni ku “ma tiyisa hi nawu . . . mahungu ya ku tsakisa.” (Vafilipiya 1:7) Timboni ta Yehovha ti yentxa leswi fanaka namuntlha. a

Sixtirani VHIDIYO.

VHIDIYO: Ku Tiyisa Mahungu Ya Ku Tsakisa Hi Nawu (2:28)

Lerhani Mintirho 5:27-42, mi gama mi bula hi xivutiso lexi landzelaka:

A hi nga ta nyima ku chumayela hi mhaka muni? Vona tindzimana 29, 38, na 39.

VANHU VAN’WANA VA NGA HA KU VUTISA VA KU: “Hi mhaka muni Timboni ta Yehovha ti chumayela hi munti ni munti?”

A wu ta hlamulisa ku yini?

LESWI HI NGA SWI DJONDZA

Yesu a byele valandzeli va yena swaku va chumayela mahungu ya ku tsakisa ka matiko hinkwawu. Yehovha a pfuna vanhu va yena ku yentxa ntirho lowu.

Ku kambela leswi hi nga swi djondza

Mahungu ya ku tsakisa ma chumayelisiwa ku yini amisaveni hinkwayu?
Ntirho wa hina wa ku chumayela wu swi kombisisa ku yini swaku ha va rhandza vanhu van’wana?
U pimisa swaku ku chumayela swi nga hi yentxa hi tsaka? Hi mhaka muni?

Ni hete djondzo leyi hi diya:

Zama ku yentxa leswi

Vutisa vamakwerhu van’wana ka Yindlo ya Wugandzeli swaku hi swini swikarhatu leswi va nga swi hlula swaku va sungula ku chumayela ni swaku hi yini minkateko leyi va nga yi kuma.

Swin’wana:

Swin’wana leswi u nga swi fikelelaka