Vamakwerhu vavasati va yentxa ntirho wa lisima hintamu ka nhlengeletanu ya Yehovha. (Ps 68:11) Va fambisa swidjondzo swa swinyingi swa Bibele, funtshi ku tala ka vapfuli va ndlela va nkama hinkwawu i vamakwerhu vavasati. Handle ka leswo, vamakwerhu va vanyingi vavasati va tirha aBetele, i vamisiyonariya, va pfunisa ka ntirho wa ku yaka va tlhela va va vahundzuluxeli. Vamakwerhu vavasati lava nga ni wunghanu la linene na Yehovha va pfuna mindjangu ya vona va tlhela va pfuna ni bandla. (Swiv 14:1) Hambileswi swi kalaka swi nga koteki swaku vamakwerhu vavasati va tirha tanihi madoda kumbe vapfunisi va bandla, va nga swi kota ku yengesela ntirho wa vona ka Yehovha. Loko u li makwerhu wawansati, u nga yentxa yini swaku u yengesela ntirho wa wena ka Yehovha?

• Zama ku va ni wumunhu leli tsakisaka Xikwembu. — 1Tm 3:11; 1Pe 3:3-6

• Pfuna vamakwerhu lava nga ni xiperiyensiya xa xitsongo bandleni. — Tit 2:3-5

• Zama ku yampsisa leswi u chumayelisaka xiswona u tlhela u yengesela nkama lowu u wu hetaka na wu chumayela

• Djondza lirimi lin’wana

• Pfunisa lomu ku nga ni vachumayeli va vatsongo

• Prenxera petição swaku u ya tirha Betele kumbe u ya pfunisa ka ntirho wa ku yaka

• Prenxera petição swaku u ya ka Xikola xa Vachumayeli va Mfumu

SIXTIRA VHIDIYO LELI NGE “VAVASATI LAVA TIRHELAKA YEHOVHA HI MATIMBA,” U GAMA U HLAMULA XIVUTISO LEXI:

• Swi ku pfunise ku yini leswi makwerhu mun’wana ni mun’wana wawansati a nga swi vula ka vhidiyo leli?