Yehovha a pfune Vayisrayele lava a va li swisiwana. A hi voneni swaku Yehovha a va pfunisa ku yini vanhu va yena lava va nga swisiwana namuntlha.

• A va pfuna swaku va nga rhandzi male. — Lk 12:15; 1Tm 6:6-8

• A va pfuna ku vona swaku hambileswi va nga swisiwana i va lisima ka yena. — Yb 34:19

• A va djondzisa ku tirha hi matimba handle ka ku va yentxa minchumu ya ku biha. — Swiv 14:23; 20:1; 2Ko 7:1

• A va byela swaku va fanele va tama va rhandza vamakwerhu. — Yh 13:35; 1Yh 3:17, 18

• A tlhela a va nyika ntshembo. — Ps 9:18; Esa 65:21-23

Ku nga na mhaka swaku hi nga kumana ni swikarhatu swa ku tshamisa ku yini, a hi fanelanga hi vilela. (Esa 30:15) Yehovha a ta hi hlayisa hi ku hi nyika leswi hi swi lavaka loko hi rhangisa Mfumu wa yena ku sungula. — Mt 6:31-33.

SIXTIRA VHIDIYO LELI NGE: VAMAKWERHU VA KOMBISA LIRHANDZU LA KU KALA LINGA HELI HAMBILOKO VA LI SWISIWANA A CONGO, U GAMA U HLAMULA SWIVUTISO LESWI:

• Vamakwerhu lava a va tshama kusuhi ni lani kongresu a li ta yentxeliwa kona va li kombisise ku yini lirhandzu hi vamakwerhu lava nga yendza va ya vona kongresu?

• Vhidiyo leli li hi djondzisa yini hi lirhandzu leli Yehovha a nga na lona hi vanhu lava va nga swisiwana?

• Hi nga mu tekelelisa ku yini Yehovha ku nga na mhaka swaku hi ni male kumbe hi swisiwana?