Yoxuwa 18:1-28
18 Se xitshungu hinkwaxu xa Vayisrayele xi hlengeletana aXilo,+ xi gama xi gwimba tende la ntlhanganu kolanu,+ hikusa se a xi li tekile tiko.+
2 Kambe a ka ha sale 7 wa tinxaka ta Vayisrayele leti a ti nga se nyikiwa tshomba.
3 Se Yoxuwa a vutisa Vayisrayele a ku: “Ma ha ta nyima anze siku muni swaku mi ya teka tiko leli Yehovha Xikwembu xa vavhovho va n’wina a nga mi nyika lona?+
4 Langani vavanuna vanharhu ka lixaka lin’wani ni lin’wani swaku ni ta va rhuma; va ta famba va ya djikadjika ka tiko va li pima hi ku ya hi tshomba la vona. Se loko va hetile a va ti lani ka mina.
5 Va fanele va li yava ku huma 7 wa tindhawu.+ Se va ka Yuda va ta tshama ka ndhawu ya vona a sul,*+ kasi va ka Yosefa va ta tshama ka ndhawu ya vona a norte.*+
6 Kambe n’wina, fambani mi ya pima tiko, mi tsala a mapa, mi gama mi li yava ku huma 7 wa tindhawu, se mi ta na wona ka mina. Kutani ni ta hoxa swiribyani*+ phambheni ka Yehovha Xikwembu xa hina.
7 Kambe Valevhi a va nga ta nyikiwa tiko,+ hikusa tshomba la vona i ku tirhela Yehovha+ ka tempele; se va ka Gadi, va ka Rubeni ni hafu ya lixaka la Manasi+ va li kumile tshomba la vona ka tlhelo la le wuxeni la Nambu wa Yordani, ka tiko leli va nga nyikiwa hi Moxe mutirheli wa Yehovha.”
8 Vavanuna va tilulamisela ku famba, a gama Yoxuwa a byela lava a va ya pima tiko a ku: “Yanani ka tiko hinkwalu mi fika mi djikadjika mi li pima, mi gama mi ta ka mina, se mina ni ta hoxa swiribyani aXilo phambheni ka Yehovha.”+
9 Se vavanuna lava va famba va ya djikadjika ka tiko va li pima hinkwalu hi ku ya hi madoropa ya lona, ku huma 7 wa tindhawu va gama va ti tsala ka buku. Loko va gamile va tlhela va ya ka Yoxuwa lomu a va gwimbe kona matende aXilo.
10 Se Yoxuwa a vhela a hoxa swiribyani aXilo, phambheni ka Yehovha.+ A gama a yavela Vayisrayele tiko kolanu hi ku ya hi tinxaka ta vona.+
11 A xiribyani xa ku sungula xi kombeta lixaka la Benjamini hi ku ya hi mindjangu ya vona naswona tiko leli va nga nyikiwa lona a li li xikarhi ka ndhawu ya va ka Yuda+ ni va ka Yosefa.+
12 Ka tlhelo la norte, ndhawu ya vona a yi sungula Yordani yi famba yi ya ka ganga leli nga norte ka Yeriko,+ yi gama yi khupuka ntshava yi ya ka tlhelo la wupeladlambu anze mananga ya Beti-Avheni.+
13 A yi tlhela yi hundza yi ya sul ka ganga la Luzi, ku nga Betele;+ yi gama yi ngirimela yi ya Ataroti-Adari+ ka ntshava leyi nga sul wa Beti-Horoni wa le Hansi.+
14 Lani tiko a li sungulela kona a li markariwile ka tlhelo la wupeladlambu, li djika li ya sul ku sukela ka ntshava leyi a yi txuvukane ni Beti-Horoni hi le sul; a li gamela aKiriyati-Bali, ku nga Kiriyati-Yerimi,+ doropa la va ka Yuda. Hi lomu tiko la vona a li gamela kona ka tlhelo la wupeladlambu.
15 Ka tlhelo la sul a li sungulela lani Kiriyati-Yerimi a gamaka kona, li ya wupeladlambu; li famba anze ka xihlovo xa mati xa Nefitowa.+
16 Li gama li ngirimela li ya magamu ka ntshava leyi a yi txuvukane ni Nkova wa N’wana wa Hinomi,+ leyi nga norte ka Nkova wa Refayimi,+ naswona a li ngirimela li ya ka Nkova wa Hinomi li famba hi sul ka ganga la Vayebusi+ li ngirimela anze Eni-Rojeli.+
17 A li tlhele li markariwa hi tlhelo la norte, li famba anze Eni-Ximexi li gama li hundza hi Jililoti, doropa leli nga phambheni ka ganga la Adumimi,+ se li ngirimela anze ka ribye+ la Bohani+ n’wana wa Rubeni.
18 Se li famba li ya ka ganga leli nga norte aphambheni ka Araba li ngirimela li za li ya fika aAraba.
19 Tiko la vona a li tlhela li hundza hi ka ganga li nga norte ka Beti-Ogla+ li gama li famba li ya gamela norte wa Lwandle la Munyu*+ li nga magamu ka sul wa Yordani. Hi lomu tiko la vona a li gamela kona hi tlhelo la sul.
20 Se hi ka tlhelo la le wuxeni, tiko la vona a li gamela Yordani. Leli a ku li tshomba la va ka Benjamini ni mindjangu ya vona, hi ku ya hi lani tiko la vona a li gamela kona ka matlhelo hinkwawu.
21 Madoropa ya lixaka la Benjamini hi ku ya hi mindjangu ya vona a ku li: Yeriko, Beti-Ogla, Emeki-Kezizi,
22 Beti-Araba,+ Zemarayimi, Betele,+
23 Avhimi, Para, Ofira,
24 Kefari-Amoni, Ofini ni Jeba,+ a ku li 12 wa madoropa ni swidoropani swa kona.
25 Gibiyoni,+ Rama, Beroti,
26 Mizpe, Kefira, Moza,
27 Rekemi, Iripele, Tarala,
28 Zelayi,+ Ha-Elefi, Yebusi ku nga Yerusalema,+ Jibiya+ ni Kiriyati, a ku li 14 wa madoropa ni swidoropani swa kona.
Leli a ku li tshomba la lixaka la Benjamini hi ku ya hi mindjangu ya vona.
Tinhlamunselu ta le hansi
^ Kumbe: “dzongeni”.
^ Kumbe: “n’walungu.”
^ Vona Ntlhamuselo.
^ Ku nga “Lwandle la Ku Fa”.
