Yobo 26:1-14
26 Yobo a hlamula a ku:
2 “Vona leswi u nga mu pfunisa swona lweyi a kalaka a nga na matimba!
Vona leswi u nga li ponisisa xiswona voko la lweyi a kalaka a nga na matimba!+
3 I ntiyiso, u pfune lweyi a kalaka a nga na wutlharhi hi ku mu laya!+
U djondzise va vanyingi wutlharhi la wena!
4 U zama ku vulavula na mani,Naswona i mani lweyi a nga ku byela leswi u swi hlayaka?
5 Lava nga fa va rhurhumela;Va le hansi ka lwandle ni hansi ka leswi tshamaka ka lona.
6 Hinkwaswu leswi nga Sirheni,* Xikwembu xa swi vona,+Ni ndhawu ya ku helisa* a yi mbhonyiwanga.
7 Xi yandlala matilo* ka ndhawu ya ku kala yi nga na nchumu,+Xi hayeka misava ampfhukeni;
8 Xi phutsela mati ka marhefu ya xona,+Swaku marhefu ma nga tikiwi ma gama ma buvuka;
9 Xi pfala xitshamu xa xona xa wuhosi,Xi xi mbhonya hi rhefu.+
10 Xi yava mati ni matilo xi swi hambanisa;+Xi hambanisa munyama ni ku vonakala.
11 Mapilari ya tilo ma tsekatseka;Ma hlamalisiwa hi ku laya ka xona.
12 Xi dunga lwandle hi matimba ya xona,+Xi tshovelela xiharhi xa lwandle* hi ku twisisa ka xona.+
13 Xi basisa matilo hi moya lowu xi wu fufutaka;Voko la xona li tlhava nyoka leyi balekaka.
14 Leswi ko va swilo swaswitsongo ka hinkwaswu leswi xi nga swi yendla;+Phela ko va swilo swaswitsongo leswi hi nga swi twa hi xona!
Kutani i mani lweyi a nga twisisaka ku dzindza ka matimba ya xona?”+
Tinhlamunselu ta le hansi
^ Kumbe: “Sheol”. Vona Ntlhamuselo.
^ Kumbe: “Abadoni”.
^ Hi Xiheberu: “n’walungu”.
^ Hi Xiheberu: “Rahabi”.
