Tipisalema 9:1-20
Ka mayextru wa Mutilabeni.* Pisalema ya Davhida.
א [Alefi]
9 Yehovha, ni ta ku dzunisa hi mbilu ya mina hinkwayu;Ni ta byela van’wani hi mintirho ya wena hinkwayu ya ku hlamalisa.+
2 Ni ta tsaka ni tlhela ni tsaka hintamu hi mhaka ya wena;Ni ta yimbelela ni dzunisa vito la wena, Wena U Nga Tlakuka.+
ב [Beti]
3 Loko valala va mina va baleka,+Va ta tigumula va fa phambheni ka wena.
4 Hikusa wa ni lwela atribunali;U yavanyisa hi ndlela yayinene na u li ka xitshamu xa wena.*+
ג [Gimeli]
5 U laya matiko,+ u helisa lava ku biha,U tima vito la vona hi masiku ni masiku.
6 Valala va helisiwe va ku jii;U tsuvule ni madoropa ya vona,A va nge he tshuki va khumbukiwile.+
ה [He]
7 Kambe Yehovha a ta fuma hi masiku ni masiku;+A li ka xitshamu xa yena* swaku a ta yavanyisa hi ku lulama.+
8 A ta yavanyisa misava hi ndlela yayinene;+A ta yavanyisa matiko hi ndlela yayinene.+
ו [Vawu]
9 Yehovha a ta vhikela lava karhatiwaka,+Va ta tumbela ka yena hi nkama wa mahlomulu.+
10 Lava tivaka vito la wena va ta ku tshemba;+A wu nge tshuki u va tshikile lava ku lavetelaka, wena Yehovha Xikwembu xanga.+
ז [Zayini]
11 Dzunisani Yehovha hi tinsimu, lweyi a tshamaka Siyoni;Byelani vanhu mintirho ya yena.+
12 Hikusa Lweyi a hakelisaka ngati ya vona, wa va khumbuka;+A nge xi khohlwi xirilo xa lava hluphekaka.+
ח [Heti]
13 Ni kombi timpsalu, Yehovha; vona mahlomulu lawa ma vangiwaka hi valala va mina,Wena lweyi a ni humesaka ka tinyanghwa ta lifu,+
14 Leswaku ni ta vulavula hi mintirho ya wena yayinene ka tinyanghwa ta ntombhi* ya Siyoni,+Ni tsaka hi mhaka ya leswi u nga ni ponisa.+
ט [Teti]
15 Matiko ma pele ka xikhele lexi ma nga xi txela;Nenge wa wona wu phasiwe hi redi leli ma nga rhiya hi lona.+
16 Yehovha a tiviwa hi wuyavanyisi leli a li yendlaka.+
Lweyi wa ku biha a phasiwe hi mintirho ya yena.+
Hagayoni.* (Sela)
י [Iyodi]
17 Lava ku biha va ta ya Sirheni,*Ni matiko hinkwawu lawa ma khohlwaka Xikwembu.
18 Kambe swisiwana a swi nge khohlwiwi hi ku helela;+Naswona ntshembo wa lava ku rhula a wu nge heli.+
כ [Kafi]
19 Humelela, Yehovha! U nga tshiki munhu a hlula.
Yavanyisa matiko.+
20 Yehovha Xikwembu xanga, ma yendli ma chava,+Matiko a ma swi tivi swaku mo va vanhu ntsena. (Sela)
Tinhlamunselu ta le hansi
^ Vona Ntlhamuselo.
^ Kumbe: “xitshamu xa wena xa wuhosi.”
^ Kumbe: “xitshamu xa yena xa wuhosi”.
^ Ku nga nʼwana wa ntombhi.
^ Vona Ntlhamuselo.
^ Kumbe: “Sheol”. Vona Ntlhamuselo.
