Tipisalema 76:1-12
Ka mayextru; lisimu leli chayiwaka ni switende.* Pisalema ya Azafi.+ Lisimu.
76 Xikwembu xa tiviwa aYuda;+Vito la xona i likulu aIsrayele.+
2 Ndhawu ya xona ya ku tumbela yi le Salema,+Funtshi xi tshama Siyoni.+
3 Kolanu xi tshove mimpaxwa* leyi pfurhaka,Xivhikelo, xipada ni matlharhi ya nyimpi.+ (Sela)
4 Wena wa phatima hintamu;*U tlakuke ku tlula tintshava leti ku hlotiwaka ka tona.
5 Lava kalaka va nga chavi nchumu va tekeliwe minchumu ya vona.+
Va file;*Tinhenha a ti kotanga ku yendla nchumu.+
6 Xikwembu xa Yakobe,Mufambisi wa tinyolo* ni makavhalu ya kona va file* hi mhaka ya ku laya ka wena.+
7 Hi wena ntsena lweyi a hlamalisaka.+
I mani lweyi a nga tiyelaka ku kwata ka wena kakukulu?+
8 U yendle swaku ku yavanyisa ka wena ku twiwa ku sukela atilweni;+Misava a yi chava naswona a yi miyelile+
9 Nkama Xikwembu xi nga yavanyisa,Swaku xi ponisa hinkwavu lava ku rhula amisaveni.+ (Sela)
10 Hikusa ku kwata ka munhu ku ta yendla swaku u dzunisiwa;+Ku kwata ka vona ku ta yendla swaku u tidzunisa.
11 Yendlani switshembiso ka Yehovha Xikwembu xa n’wina, mi tlhela mi swi hetisisa,+Hinkwavu lava nga kusuhi na yena a va tise nyiko ya vona hi xihlonipho.+
12 A ta xixa varhangeli lava tibyelaka;A yendla swaku tihosi ta misava ti mu chava.
Tinhlamunselu ta le hansi
^ I nchumu xa ku chaya muzika.
^ Kumbe: “maflexa”.
^ Kumbe: “U funengetiwe hi ku vonakala.”
^ Hi Xiheberu: “yetlele.”
^ Kumbe: “tin’qolo; makalichi”.
^ Hi Xiheberu: “yetlele”.
