Tipisalema 33:1-22
33 Banani minkulungwani n’wina lava ku lulama, hi mhaka ya Yehovha.+
Swa fanela ku va a dzunisiwa hi lava ku lulama.
2 Khensani Yehovha hi haripa;Yimbelelani mi mu dzunisa hi xitende* xa 10 wa tingoti.
3 Yimbelelani lisimu la nyuwani;+Chayani switende hi mbilu ya n’wina hinkwayu na mi ba minkulungwani.
4 Hikusa rito la Yehovha li lulamile,+Naswona hinkwaswu leswi a swi yendlaka a swi yendla hi ku tshembeka.
5 A rhandza ku tshembeka ni wululami.+
Misava yi tale hi lirhandzu la Yehovha.+
6 Yehovha a yendle tilo hi rito la yena,+Naswona hinkwaswu leswi nga tilweni a swi yendle hi moya wa yena.*
7 A hlengeleta mati ya lwandle ingi mo va ka makhumbi;*+A hlengeleta mati lama nga kwata swaku a ma hlayisa.
8 Misava hinkwayu a yi chavi Yehovha.+
A a hloniphiwe hi vanhu hinkwavu lava tshamaka misaveni.
9 Hikusa a vulile, swi gama swi va kona;+A rhumisile se swi yendleka.+
10 Yehovha a wonhetele maplanu* ya matiko;+A wonhe maplanu* ya vanhu.+
11 Kambe switsundzuxu swa Yehovha swi ta va kona hi masiku ni masiku;+Mimpimiso ya yena yi ta va kona hi masiku.
12 La tsaka tiko leli Xikwembu xa lona ku nga Yehovha,+Vanhu lava a nga va langa swaku va va tshomba la yena.+
13 Yehovha a txuvuka misaveni na a li tilweni;A vona vanhu hinkwavu.+
14 A txuvuka lava tshamaka misaveniNa a li lomu a tshamaka kona.
15 Hi yena a nga yendla timbilu ta vanhu hinkwavu;A kambisisa mintirho ya vona hinkwayu.+
16 A ku na hosi yi ponaka hi mhaka ya masonchwa ya yona ya manyingi;+Nhenha a yi ponisiwi hi matimba ya yona yamakulu.+
17 Kavhalu a li nge mu ponisi munhu;+Hambileswi li nga ni matimba, a swi vuli swaku a ta baleka.
18 Vonani! Yehovha a txuvuka lava mu chavaka,+Lava nyimelaka swaku a va komba lirhandzu la yena,
19 Leswaku a ta va ponisa ka lifu,A va hlayisa swaku va hanya hi nkama wa ndlala.+
20 Hi rindzele Yehovha.
I mupfuni wa hina ni xivhikelo xa hina.+
21 Ha tsaka hi mhaka ya yena,Hikusa hi tshemba vito la yena la ku kwetsima.+
22 Yehovha, hi kombe lirhandzu la wena,+Loko ha ha ku rindzile.+
Tinhlamunselu ta le hansi
^ I nchumu xa ku chaya muzika.
^ Kumbe: “ku hefemula.”
^ Kumbe: “ka damu.”
^ Kumbe: “makungu”.
^ Kumbe: “mimpimiso”.
